Молитва св. Василия Великого

Молитва св. Василия Великого

Вем, Господи, яко недостойне причащаяйся Пречистаго Твоего Тела, и Честныя Твоея Крове, повинен есмь, и суд себе ям и пию, не рассуждая Тела и Крове Тебе, Христа и Бога моего, но на щедроты Твоя дерзая, прихожду к Тебе рекшему: ядый Мою Плоть, и пияй Мою Кровь во Мне пребывает и Аз в нем. Умилосердися убо Господи, и не обличи мя грешнаго, но сотвори со мною по милости Твоей: и да будут ми Святая сия во исцеление и очищение, и просвещение, и сохранение, и спасение, и во освящение души и тела, во отгнание всякаго мечтания, и лукаваго деяния, и действа диавольскаго, мысленне во удесех моих действуемаго; в дерзновение и любовь яже к Тебе, во исправление жития и утверждение, в возвращение добродетели и совершенства, во исполнение заповедей, в Духа Святаго общение, в напутие живота вечнаго, во ответ благоприятен на страшнем судищи Твоем: не в суд или во осуждение.

Данный текст является ознакомительным фрагментом.