В конец, о сынех Кореовых, псалом 46

We use cookies. Read the Privacy and Cookie Policy

В конец, о сынех Кореовых, псалом 46

2 Вси языцы восплещите руками, воскликните Богу гласом радования. 3 Яко Господь Вышний страшен, Царь велий по всей земли. 4 Покори люди нам и языки под ноги нашя: 5 избра нам достояние Свое, доброту Иаковлю, юже возлюби. 6 Взыде Бог в воскликновении, Господь во гласе трубне. 7 Пойте Богу нашему, пойте, пойте Цареви нашему, пойте. 8 Яко Царь всея земли Бог, пойте разумно. 9 Воцарися Бог над языки, Бог седит на Престоле святем Своем. 10 Князи людстии собрашася с Богом Авраамлим. Яко Божии державнии земли зело вознесошася.