Молитвы о даровании детей

Молитвы о даровании детей

Молитва ко Господу

Услыши, Боже Милосердый и Всемогущий, моления наша, буди милостив нам и ниспосли нам благодать Твою. Яко Давый закон умножения рода человеческаго, буди и нам милостивным Покровителем, да помощию Твоею исполнится и на нас Тобою установленное. Ты властию Твоею из несущаго вся сотворил еси и положил еси начало всему, в мире сущему – сотворил еси и человека по образу Своему и тайною высокою освятил еси союз супружества в предуказание тайны единения Христа с Церковию Своею.

Призри, Милосерде, на рабов Твоих сих, союзом брака соединенных и о помощи Тя умоляющих, да будет на них милость Твоя, да будут яко лозы плодовиты и да увидят сыны сынов своих даже до третияго и четвертаго рода, и, старости достигшее, войдут в Царство Небесное, милостию Господа нашего Иисуса Христа, Ему же подобает всякая слава, честь и поклонение со Святым Духом во веки. Аминь.