Икос 8

We use cookies. Read the Privacy and Cookie Policy

Икос 8

Вся бывши горе, к Небесным взята, и земных не оставляеши, Богомати, священным Твоим предстательством: имаши бо матернее дерзновение ко Христу Богу нашему. Темже утверди в мире глубоце православных житие и вся полезная всегда даруй рабом Твоим, да величающе воспеваем Ти:

Радуйся, Невместимаго вместилище;

радуйся, осененная силою Вышняго.

Радуйся, прозябшая Клас Небесный;

радуйся, мир весь душепагубнаго глада избавльшая.

Радуйся, выну ходатайствующая за род наш;

радуйся, яко много может молитва Твоя пред Сыном Твоим и Богом.

Радуйся, всех нас при Кресте Сына Твоего усыновившая;

радуйся, всегда Матернюю любовь к нам являющая.

Радуйся, Ходатаице вечных благ;

радуйся, и во временней жизни полезная нам подающая.

Радуйся, известное прибежище наше во всех скорбных обстояниих;

радуйся, несомненное утешение в печалех.

Радуйся, Заступнице усердная рода христианскаго.

Данный текст является ознакомительным фрагментом.