Икос 9

Икос 9

Вития многовещанныя недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши людий на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:

Радуйся, Египет освятившая пришествием Твоим;

радуйся, Галилейскую страну прославившая пребыванием Твоим.

Радуйся, по всему Иерусалиму искавшая Отроча Твое, Егоже возлюби душа Твоя;

радуйся, в дому Отца Его обретшая Его.

Радуйся, вся глаголы о Сыне Твоем слагавшая в сердце Своем;

радуйся, в Сыне Твоем прежде всех познавшая Бога.

Радуйся, Сыну Твоему послужившая в земнем житии Его;

радуйся, страданием Его спострадавшая.

Радуйся, при Кресте Сына Твоего усыновление Иоанна Апостола и всех верующих приимшая;

радуйся, матерински возлюбившая искупленных кровию Его.

Радуйся, первее всех уразумевшая тайну воскресения Сына Твоего;

радуйся, премногой радости насладившаяся в вознесении Сына Твоего на небеса.

Радуйся, Владычице, милостивая о нас пред Богом Заступнице.

Данный текст является ознакомительным фрагментом.