Икос 12

We use cookies. Read the Privacy and Cookie Policy

Икос 12

Воспеваем тя, святителю Божий, яко удивил еси мир чудесы, истекающими от святых мощей твоих. Вси бо, с верою приходящии и лобызающии их, получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся и пищу доставити повелевый;

радуйся, слепым, с верою притекшим к святым мощем твоим, зрение даровавый.

Радуйся, от неисцельныя болезни отрока исцеливый;

радуйся, беса из жены изгнавый и здраву ю сотворивый.

Радуйся, возбранный воеводо Керкиры;

радуйся, яко полчища злочестивых агарян изгнал еси и корабли их в пучине потопил еси.

Радуйся, егоже видеша окруженнаго сонмом Ангелов, в деснице меч державша и в трепет врагов приведша;

радуйся, создати себе храм, во еже совершати в нем литургию на пресном хлебе, воеводе возбранивый.

Радуйся, воеводу латинскаго лютою смертию поразивый;

радуйся, молниею изображение его в доме в Венеции сожегший.

Радуйся, отступльства и лжемудрования Запада посрамивый;

радуйся, единую Православную веру быти истинную и спасительную для человеков утвердивый.

Радуйся, Спиридоне, предивный чудотворче.

Данный текст является ознакомительным фрагментом.