Великомученик Пантелеимон

Великомученик Пантелеимон

Великомученик Пантелеимон происходил из Никомидии. Мать, воспитывавшая его в христианской вере, рано умерла. После ее смерти отец отдал мальчика в языческую школу, а затем на учение известному в то время врачу Евфросину для изучения врачебного дела. Когда Пантелеимон ходил на занятия к Евфросину, то шел мимо дома, где жил священник Ермолай. Старцу Ермолаю понравился юноша, и у него явилась надежда обратить его в христианскую веру. Часто приглашая к себе Пантелеимона, священник начинал с ним разговор о Христе и Его учении. Юноша, навсегда запомнивший заветы матери, полюбил Христа. Однажды, возвращаясь домой от своего учителя, он увидел на дороге ужаленного змеей лежащего ребенка и для помощи призвал имя Христово. Ребенок исцелился, и Пантелеимон принял крещение от Ермолая. Кроме того, он хотел, чтобы и его отец крестился. Обратить язычника в христианство помог чудесный случай. К Пантелеймону как ко врачу привели слепого человека, которого не мог излечить сам Евфросин, и он, снова призвав имя Христа, исцелил слепого. Тогда отец принял крещение вместе с исцеленным слепцом, но вскоре умер, оставив сыну богатое наследство. Пантелеимон употребил наследство в пользу бедным, а сам врачевал больных не столько лекарствами, сколько силой Божией. Однако скоро императору было донесено, что целитель верует во Христа. «Что я слышу о тебе: ты хулишь богов наших и воздаешь славу какому-то Христу? Я не хочу верить этому и надеюсь, что ты сам обличишь клевету, принеся жертву богам», – сказал царь Пантелеимону. На это врачеватель отвечал, что все слухи – чистая правда, он отрекся от языческих богов, потому что они ложны, и уверовал во Христа, потому что Он есть истинный Бог. Пантелеимон предложил доказать свою правоту и призвать неизлечимого больного, чтобы проверить, кто исцелит его – он или языческие жрецы. Сколько ни молились своим богам языческие жрецы, исцеления не настало; но лишь Пантелеимон призвал имя Христово, больной исцелился, и многие после этого уверовали во Христа. Царь же, напротив, ожесточился и приказал мучить святого, а затем кинуть с тяжелым камнем в море. Но врачеватель остался жив и даже не покалечен. Тогда выпустили на него диких зверей, но свирепые звери вместо того, чтобы растерзать его, лишь лизали ноги святого. Мученика привязали к колесу, усеянному острыми лезвиями, однако и тут он остался невредим. В конце концов царь приказал обезглавить целителя и тело его сжечь. Но тело осталось невредимым, и христиане похоронили его с почетом. Это было в 305 г. Вскоре мощи святого были перенесены в Константинополь.

Молитвы великомученику и целителю Пантелеимону

О, великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждующим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славного Отца и Сына и Святаго Духа ныне и присно и во веки веков. Аминь.

* * *

О преславный мучениче и доблий воине Небеснаго Царя, Пантелеимоне всеблаженне, милостивого Бога преизрядный подражателю, иже Христа на земли дерзновенно исповедав, и многообразныя за Него муки претерпев, неувядаемый приял еси венец на Небеси, идеже вечного наслаждаешися блаженства и со дерзновением Престолу трисолнечнаго Божества предстоиши! К твоему христоподражательному состраданию по Бозе прибегаем вcи мы грешнии и всеусердно молим тя, теплаго заступника и предстателя нашего: не престай призирати на нас, сущих в нуждах и скорбных обстояниях, и твоею молитвенною помощию и цельбоподательною силою избавляй нас присно от лютых зол, всегубительства и всякия иные беды и болезни. Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии, запечатленную мученичеством и многопобедною твоею кончиною, в ней же по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех. Сего ради ведуще тя милостивого во всем помощника и целителя, с верою взываем к тебе: услыши нас и богоприятным ходатайством твоим подавай нам вся благопотребная в житии сем и нужная к вечному спасению. Мученическим же дерзновением твоим умоли милостивого Бога, да помилует нас грешных и недостойных по велицей милости Своей, да избавит от труса, потопа, огня, меча и всякого праведного гнева и прещения, благовремение подвизая нас к очистительному и умилостивительному во гресех наших покаянию, ради множества щедрот Своих, да подаст всем нам безбедное, тихое и богоугодное житие, православным же на вся враги победу и одоление, и всех нас от враг видимых и невидимых да сохранит благодатию Своею и непобедимым ополчением Ангел Своих, ими же ограждаеми и наставляеми да поживем в веце сем в покаянии, чистоте и в творении богоугодных дел; да сподобимся твоим теплым предстательством христианскую кончину улучити безболезненну, мирну, непостыдну, избавитися от козней воздушных князей тьмы и от вечныя муки, и быти наследниками безконечнаго, всеблаженнаго Царствия. Ей, угодите Божий! Не престай молитися за ны грешныя, да твоим ходатайством временных и вечных бед избавлени, величаем тебе, заступника нашего и молитвенника, и вечно прославляем общаго Владыку и Господа нашего Иисуса Христа, Ему же подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

* * *

О, великий угодниче Христов, страстотерпче и врачу многомилостивый Пантелеимоне! Умилосердися надо мною, грешным рабом, услыши стенание и вопль мой, умилостиви Пебеснаго, Верховнаго Врача душ и телес наших, Христа Бога нашего, да дарует ми исцеление от гнетущаго мя недуга. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи елеем милости твоея и исцели мя, да, здрав сый душею и телом, остаток дней моих, благодатию Божиею, возмогу провести в покаянии иугождении Богу и сподоблюся восприяти благий конец живота моего. Ей, угодниче Божий! Умоли Христа Бога, да предстательством твоим дарует ми здравие телу и спасение души моей. Аминь.

* * *

Благодарственная, после исцеления от болезни Святый великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном, еже есть всемилостивый, яко, прияв от Бога благодать молитися за ны и болезни целити, ты богатно подавши всем, к тебе притекающим, различная исцеления и вся к жизни временней и ко спасению потребная: сего ради и мы недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердие благодарим тя и подателя всех благ Господа Бога нашего о великих благодеяниих, от Него тобою нам бывших. Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоея помощи и молитвеннаго ходатайства у Господа Бога нашего, Ему же подобает всякая слава, благодарение и поклонение, Отцу и Сыну и Святому духу, ныне и присно и во веки веков. Аминь.

* * *

Святый великомучениче и целителю Пантелеимоне, Бога милостивого подражателю! Призри благосердием и услыши нас, грешных, пред святою твоей иконою усердие молящихся. Испроси нам у Господа Бога, Ему же со Ангелы предстоиши на небеси, оставление грехов и прегрешений наших. Исцели болезни душевныя же и телесныя рабов Божиих, ныне поминаемых, зде предстоящих и всех христиан православных к твоему заступлению притекающих. Се бо мы, по грехом нашим люте одержимы есмы многими недуги и не имамы помощи и утешения, к тебе же прибегаем, яко дадеся ти благодать молитися за ны и целити всяк недуг и всяку болезнь. Даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная. Яко да, сподобившися тобою великих и богатых милостей, прославим тя и подателя всех благ, дивнаго во святых, Бога нашего, Отца и Сына и Святаго Духа. Аминь.

Данный текст является ознакомительным фрагментом.