В бездождие
В бездождие
Молитва
Владыко Господи Боже наш, послушавый Илию Фесвитянина ревности ради к Тебе, и во время посылаемому земли дождю удержатися повелевый, таже паки молитвою его дождь плодоносный ей даровавый; Сам, Владыко всех, от самаго Твоего благоутробия умоляем, дождь волен даждь наследию Твоему; и согрешенная нами презрев, дожди Твоя низпосли на требующая и просящая места; возвесели лице земли, нищих ради людей Твоих, и младенцев, и скотов, и иных всех; зане к Тебе чают, еже дати пищу им во благое время. Ты бо еси Бог наш, Бог, еже миловати и спасати, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Тропарь, глас 2
Воздуха благорастворение повелением Твоим содеваяй, Господи, вольный дождь даруй земли, еже приносити людем Твоим плоды изобильны, и насыщати всякое животно Твоим благоволением, молитвами Богородицы и всех святых Твоих.
Кондак, глас 6
Всех Творца и Зиждителя, и благих Дателя Тя сведуще, Господи, к Тебе припадаем, и прилежно молим: пощади, Милосерде, и прости, яко Благ, беззакония наша и настоящаго праведнаго гнева избави рабы Твоя, подая, яко Благ, жаждущей земли благоплодныя дожди, яко Един Многомилостив.
Данный текст является ознакомительным фрагментом.