Собор владимирских святых (память 23 июня/6 июля)

Святители: митрополиты: Максим (t 1305), Алексий (t 1378), Иона (t 1461), Иларион (t 1707); архиепископы: Дионисий (t 1385), Арсений (t 1627); епископы: Феодор (t 1023), Симон (t первая пол. XII в.), Иоанн (t 1214), Симон (t 1226), Серапион (t 1275), Феодор (t 1286), Василий Рязанский (t 1295), Кирилл Ростовский (t 1384), Софроний (t 1654), Мирофан Воронежский (t 1703).

Благоверные князья: Глеб (t 1015), Константин (t 1129), Михаил и Феодор Муромские (XII в.), Борис Туровский (t ок. 1160), Изяслав (t 1165), Мстислав (t 1172), Андрей Боголюбский (t 1174), Глеб (t 1174), Михаил (t 1176), Петр Муромский (t 1228), Георгий (t 1238), Василько Ростовский (t 1238), Всеволод, Мстислав, Владимир, Димитрий (t 1238), Федор (t 1246), Святослав (t 1253), Александр Невский (t 1263), Димитрий (t 1269), Димитрий (t 1294), Феодор Стародубский (t 1330).

Благоверные княгини: Ирина (t ок. 1129), Феврония (1228), Агафия, Феодора, Мария и Христина (t 1238), Евдокия (XIV в.).

Преподобные: Никита Переяславский (t 1186), Илия Муромец Печерский (t ок. 1188), Пахомий архимандрит и Феодосий (t 1237), Даниил Успенский (t 1238), Михаил-верижник Вязниковский (t 1333), Сергий Радонежский (t 1392), Роман Киржачский (t 1392), Пахомий Нерехтский (t 1384), Евфимий Суздальский (t 1404), Стефан Махрищский (t 1406), Никон Радонежский (t 1426), Косма Яхромский (t 1492), Иов, архимандрит Владимирский (XV в.), Аркадий Вязниковский (t 1592), Прохор и Вассиан Ястребские (t 1592), Дионисий Переяславский (t 1645), Лукиан Александровский (t 1654), Корнилий Александровский (t 1681), Зосима Александровский (t ок. 1713).

Преподобные жены: Мария (в иночестве Марфа) († 1206), Феодосия (в иночестве Евфросиния) († 1244), Евфросиния Суздальская († 1250), Васса (в иночестве Феодора) Нижегородская († 1378), София († 1542), Феодосия Муромская (XVII в.).

Мученики: Авраамий Болгарский († 1229), Митрофан архиепископ († 1238), Патрикий священномученик († 1411).

Праведные: Георгий и Иулиания Муромские († 1604), Карп Медушский, Ковровский (XVII в.), Савва Мошокский († 1592).

Блаженные, Христа ради юродивые: Киприан († 1622), Евдокия († 1776), Парфений († втор. пол. XVI в.) Суздальские.

Тропарь, глас 4

Днесь светло красуется Пресвятыя Богородицы избранный град и с ним вси концы земли Владимирския торжествуют, память совершающе богопрославленнаго великаго лика святых, в подвизе православныя веры издревле во уделе сем Богу угодивших, и к ним с любовию вопиют: о предивнии Христу Богу молитвенницы, венцы пресветлыми от Него увенчанныя, мир и благоденствие отечеству вашему испросите и душам нашим велию милость.

Кондак, глас 4

Яко звезды пресветлыя Церкве Российския, исповеданием православныя веры в той возсиявшии, вси святии земли Владимирския: богомудрии святителие и благоверные князи, преподобнии отцы и матери, страстотерпцы и праведницы, Христу Богу усердно молитеся, грехов оставление даровати любовию чтущих святую память вашу.

Молитва

О Небеснаго Иерусалима граждане, вси святии, подвиги веры и благочестия и многими чудесы во Владимирстей земли просиявшии! Воззрите на нас милостивно и к земли приверженных возведите к высоте Небесней. Вы горе на Небеси пребываете, мы же на земли низу, удалени суще от вас не толико местом, елико грехми и беззаконии нашими, но к вам, яко нам сродным, прибегаем и взываем: наставите нас ходити путем вашим, вразумите и руководствуйте нами, многогрешными. Свойственно бо вам есть, святии, милосердие и человеколюбие: на земли живуще, не о своем токмо спасении бысть вам попечение, но и о всех, к вам приходящих. Наставления бо ваша быша трость книжника скорописца, на сердцах христоименитых людей глаголы жизни начертавающаго. Не телесныя токмо врачевали есте болезни, но паче душевных врачи изящнейшии явилися есте, и все житие ваше бысть зерцало всякия добродетели. Предстояще днесь Престолу Света неприступнаго, в нем зрите вся наша нужды и прошения. Вы вкупе со Святыми Ангелы, о едином грешнице кающемся радующимися, водворяетеся и дерзновение многое к Человеколюбцу Богу имате, не престаните убо о нас вопиюще ко Господу, испросите предстательством вашим у всемилостиваго Отца нашего Небеснаго мир Церкви Его Святей, под знамением Креста воинствующей, согласие в вере и единомудрие, суемудрия же и расколов истребление, в делех благих утверждение и благословение, больным исцеление, печальным утешение, обиженным заступление, бедствующим помощь, не посрамите нас, с верою и любовию к вам притекающих. Аще бо и недостойни есмы толикаго достославнаго лика ходатаев, но вы, подражатели человеколюбия Божия бывше, сотворите нас достойны чрез обращение от злых дел ко благому житию, вся Богом просвещенная Россия, преславными чудесы вашими исполненная и милостьми облагодетельствованная, исповедует вас быти своих покровителей и заступников. Явите нам древния милости ваша, имиже отцем нашим во благое вспомоществовали есте, и не отринете нас, чад их, стопами их к вам, святии, шествующих, веруем, яко духом нам соприсутствуете, паче же и нетленными мощми вашими с нами есте. Сия бо, яко сокровище безценное, вручи нам иже чудес Бог. Предстояще им, вам, яко живым сущим, припадаем и молимся, приимите моления наша и вознесите я на жертвенник милосердия Божия, да приимем вами благодать и благовременную в нуждах наших помощь. Паству же вашу духовную не престаните управляти жезлом духовныя мудрости: подвизающимся помозите, разслабленныя возставите, споспешите нам иго Христово нести во благодушии и терпении, и всех нас управите в мире и покаянии скончати житие наше и преселитися со упованием во блаженная недра Авраамова, идеже вы радостно по трудех и подвизех ныне почиваете, прославляюще со всеми святыми Бога, в Троице славимаго, Отца, и Сына, и Святого утешителя Духа, ныне и присно и во веки веков. Аминь.