Благодарственные молитвенные обращения

Благодарственные молитвенные обращения

Слава в вышних Богу, и на земли мир, в человецех благоволение! Слава Тебе, Непостижимый, Всемогущий, Благий Создателю всего! Слава Тебе, Господи Иисусе Христе, Сыне Божий, Спасителю мой, Упование мое, Надежда моя, Господь мой, показавший мне свет, слава

Тебе! Слава Тебе Боже, cлава Тебе Боже, cлава Тебе Боже!

Благодарю Тя, Господи, за то, что Ты даровал мне жизнь и за то, что каждое мгновение ея Ты устрояеши скорбями или утешениями ко спасению моему по неизреченней благости Твоей.

Благодарю Тя, Боже мой, за все благодеяния, яже явил ми еси грешному от юности моея и даже до сего часа, которые я знаю и за те, которые я не знаю. Благодарю Тя за то, что избавил меня от власти диавола.

Благодарю Тя за долготерпение грехов моих.

Тропарь, глас 4:

Благодарни суще мы недостойнии раби Твои Господи, о Твоих великих благодеяниях на нас бывших, славяще Тя хвалим, благословим, благодарим, поем и величаем Твое благоутробие, и рабски любовию вопием Ти: благодетелю Спасе наш, слава Тебе.

Слава Отцу и Сыну и Святому Духу

Твоих благодеяний, и даров туне яко раби непотребнии сподобльшеся Владыко, к Тебе усердно притекающе, благодарение по силе приносим, и Тебе яко благодетеля и Творца славяще, вопием: слава Тебе, Боже прещедрый.

И ныне и присно и во веки веков. Аминь

Богородице, христианом помощнице, Твое предстательство стяжавше раби Твои, благодарно Тебе вопием: радуйся, Пречистая Богородице Дево, и от всех нас бед избави, Едина вскоре предстательствующая.

Евангелие от Луки (17:12–19)

Во время оно, входящу Иисусови в некую весь, сретоша Его десять прокаженных мужей, иже сташа издалеча: и тии возне-соша глас, глаголюще: Иисусе наставниче, помилуй ны. И видев рече им: шедше пока-житеся священником. И бысть идущим им, очистишася. Един же от них, видев, яко ис-целе, возвратися, со гласом велиим славя Бога, и паде ниц при ногу Его, хвалу Ему воздая: и той бе самарянин. Отвещав же Иисус рече: не десять ли очистишася, да девять где; Како не обретошася возвращшеся дати славу Богу, токмо иноплеменник сей? И рече ему: востав иди: вера твоя спасе тя.

Молитва Господу

Господи Иисусе Христе Боже наш, Боже всякаго милосердия и щедрот, Егоже милость безмерна, и человеколюбия неизследимая пучина: ко Твоему величеству припадающе, со страхом и трепетом яко раби недостойнии, благодарение Твоему благоутробию о Твоих благодеяниих на рабех Твоих бывших, ныне смиренно приносяще, яко Господа, Владыку и Благодетеля славим, хвалим, поем, и величаем, и припадающе паки благодарим, Твое безмерное и неизреченное милосердие смиренно моляще. Да якоже ныне моления рабов Твоих прияти, и милостивно исполнити сподобил еси, и во предняя в Твоей и искренняго любви и во всех добродетелех преспевающих,

Твоя благодеяния всех верных Твоих получити, Церковь Твою Святую, и град сей, и всю страну нашу от всякаго злаго обстояния избавляя, и мир и безмятежие тем даруя, Тебе со Безначальным Твоим Отцем, и Пресвятым, и Благим, и Единосущным Твоим Духом, во едином существе славимому Богу, всегда благодарение приносити, и преблагая глаголати и воспети сподо-биши. Слава Тебе Богу, Благодателю нашему во веки веков. Аминь.

Стихира прп. Авмросия Медиоланского

Тебе Бога хвалим, Тебе Господа исповедуем, тебе Превечнаго Отца вся земля величает, Тебе вси Ангели, Тебе небеса и вся Силы, Тебе Херувимы и Серафимы непрестанными гласы взывают: Свят, Свят, Свят, Господь Бог Саваоф, полны суть небеса и земля величества славы Твоея.

Тебе преславный Апостольский лик, Тебе пророческое хвалебное число, Тебе хвалит пресветлое мученическое воинство, Тебе по всей вселенней исповедует Святая Церковь, Отца непостижимаго величества, покланяемаго Твоего Истиннаго и Единороднаго Сына и Святаго Утешителя Духа. Ты, Царю славы, Христе, Ты Отца Присносущный Сын еси. Ты, ко избавлению приемля человека, не возгнушался еси Девическаго чрева. Ты, одолев смерти жало, отверзл еси верующим Царство Небесное. Ты одесную Бога седиши во славе Отчей, Судия прийти веришися.

Тебе убо просим: помози рабом Твоим, ихже Честною Кровию искупил еси: сподоби со святыми Твоими в вечной славе Твоей царствовати. Спаси люди Твоя, Господи, и благослови достояние Твое, исправи я и вознеси их во веки; во вся дни благословим Тебе и восхвалим имя Твое во век и в век века. Сподоби, Господи, в день сей без греха сохранитися нам.

Помилуй нас Господи, помилуй нас; буди милость Твоя, Господи, на нас, якоже уповахом на Тя. На Тя, Господи, уповахом. Да не постыдимся во веки.

Аминь.