Молитвы первого дня
Молитвы первого дня
В требнике Патриарха Иосифа от 1651 года есть чинопоследование, которое служилось во время рождения ребенка, когда приглашали священника молитвенно помочь роженице. Оно состоит из восьми молитв: на освящение места (дома), где проходят роды, молитвы о женщине, о ребенке, о повитухе.
И сегодня, как столетия назад, Церковь участвует в рождении нового человека. Иногда у постели родильницы, даже в роддоме, иногда в ее отсутствие, в храме, по просьбе и в присутствии мужа, новоявленных бабушек и дедушек, других близких, читается специальная молитва. В ней просят, чтобы Господь укрепил силы матери и новорожденного, послал им ангелов светлых, сохранил их от всякого злого призора, простил все грехи. Жаль, что многие не знают о существовании этой молитвы, освящающей самый первый день жизни младенца, как это установлено Церковью.
Молитвы в первый день по рождению дитяти
Молитвы читает священник
Владыко Господи Вседержителю, исцеляли всякий недуг и всякую язву, сам и сию днесь родившую рабу Твою (имя), исцели, и возстави ю от одра, на немже лежит: зане, по пророка Давида словеси, в беззакониих зачахомся, и сквернави вси есмы пред Тобою. Сохрани сию, и сего младенца, егоже роди: покрый ю под кровом крилу Твоею, от днешняго дне даже до последняго ея скончания, молитвами Пречистыя Богородицы и всех святых; яко благословен еси во веки веков. Аминь.
Владыко Господи Боже наш, родивыйся от Пречистыя Владычицы нашея Богородицы и Приснодевы Марии, и яко младенец во яслех возлегий, и яко детищ восприемлем бывый; Сам и сию рабу Твою, днесь родившую сие отроча, помилуй, и прости вольныя и невольныя ея прегрешения, и сохрани ю от всякаго диавольскаго мучительства; и из нея рожденнаго младенца соблюди от всякаго яда, от всякия лютости, от всякия бури сопротивнаго, от духов лукавых, дневных же и нощных. Сию же соблюди под державною рукою Твоею, и даждь ей скорое востание, и от скверны очисти, и болезни исцели, и здравие и благомощие души же и телу даруй, и Ангелы светлыми и сияющими сию огради; и соблюди от всякаго наития невидимых духов. Ей Господи, от недуга и слабости, от ревности и зависти, и от очес призора, и помилуй ю и младенца, по велицей милости Твоей, и очисти ю от телесныя скверны, и различных ей находящих утробных стужений; и изведи ю скорою милостию Твоею во смиренном ея теле во исправление: и из нея рожденнаго младенца сподоби поклонитися земному храму, егоже уготовал еси славословитися имени Твоему святому.
Яко подобает Тебе всякая слава, честь и поклонение, Отцу, и Сыну, и Святому Духу, ныне и присно и во веки веков. Аминь.
Господи Боже наш, благоволивый снити с небес, и родитися от святыя Богородицы и Приснодевы Марии, спасения ради нас грешных, ведый немощное человеческаго естества, прости рабе Твоей (имя), днесь родившей, по множеству щедрот Твоих. Ты бо рекл еси Господи: раститеся и умножайтеся, и исполните землю и обладайте ею. Сего ради и мы, раби Твои, молимся, и дерзающе незлобивым Твоим человеколюбием, со страхом вопием к Царствия Твоего Святому имени: призри с небесе и виждь немощь нас осужденных, и прости рабе Твоей сей(имя), и всему дому, в немже родися отроча, и прикоснувшымся ей, и зде обретающымся всем, яко Благ и Человеколюбец Бог прости: яко Един имаши власть оставляти грехи, молитвами Пречистыя Богородицы и всех святых Твоих. Аминь.
Данный текст является ознакомительным фрагментом.