Духовная граммата великого князя Димитрия Иоанновича (Писана 1389 года)
Духовная граммата великого князя Димитрия Иоанновича (Писана 1389 года)
Во имя Отця и Сына и Святаго Духа.
Се язъ грешный худый рабъ Божий Дмитрий Ивановичь пишю грамоту душевную целымъ своимъ умомъ. Даю рядъ сыномъ своимъ и своей киягинъ: а вы дети мои жывите за одинъ, а матери своее слушайте во всемъ. А приказываю отчину свою Москву детемъ своимъ князю Василью, князю Юрью, князю Аньдръю, князю Петру; а братъ мой князь Володимеръ выдаетъ свою третъ, чемъ его благословилъ отець его князь Аньдрей. А сына своего князя Василья благословляю на стари-ший путь въ городъ и въ станехъ моего удела двою жеребьевъ половина; а тремъ сыномъ моимъ половина, и въ пошлинахъ городьскихъ половина. А тамга изъ двою моихъ жеребьевъ княгинъ моей половина, а сыномъ моимъ половина; а восмьничее мои два жеребья княгинъ моей. А на стариший путь сыну моему князю Василью Василцево сто и Добрятиньская борть съ селомъ съ Добрятиньскимъ; а бортъници въ станъхъ вь городьскихъ, и конюший путь и сокольничий и ловчий, тъмъ сынове мои подълятъся ровно. А численыхъ людий моихъ двою жеребьевъ сыномъ моимъ по частемъ, а блюдутъ съ единого. – А се даю сыну своему князю Василъю: Коломну со всъми волостми и съ тамгою и съ мыты, и зъ бортью и съ селы и со всъми пошлинами; а волости коломеньскиъ: Мещерка, Раменка, Пъсочна, Брашева съ селцемъ зъ Гвоздною и съ Иванемъ, Гжеля, деревни Лъвичинъ, Скулневъ, Маковець, Каневъ, Кочема, Комаревъ зъ берегомъ, Городна, Похряне, Устьмерьско. А изъ московъскихъ селъ даю сыну своему князю Василью: Митинъ починокъ, Малаховъское, Костянтиновъское, Жырошкины деревни, Островъское, Орининьское, Копотеньское, Хвостовъское, у города лугъ великий за ръкою; а изъ юрьевъскихъ селъ даю сыну своему князю Василью: своего прикупа Красное село съ Елеазаровъскимъ, съ Проватовымъ, да село Василевъское въ Ростовъ. – А се даю сыну своему князю Юрью: Звенигородъ со всъми волостми и съ тамгою и съ мыты, и зъ бортью и съ селы и со всъми пошлинами; а волости звенигородьскиъ: Скирменово зъ Бълми, Тростна, Нъгуча, Сурожыкъ, Замотъская слобода, Юрьева слобода, Руза городокъ, Ростовци, Кремична, Фоминьское, Угожъ, Суходолъ съ Истею съ Истервою, Вышегородъ, Плъснь, Дмитриева слободка. А изъ московъскихъ селъ даю сыну своему князю Юрью село Михалевъское, да Домантовъское, да лугъ Ходыньский; а изъ юрьевъскихъ селъ ему: прикупа моего село Кузмыдемъяньское, да Красного села починокъ за Везкою придалъ есмъ къ Кузмыдемъяньскому, да сего Богородицькое въ Ростовъ. – А се даю сыну своему князю Аньдръю: Можаескъ со всъми волостми и съ шамгою и съ мыты, и зъ бортью и съ селы и со всъми пошлинами, и съ отъездными волостми, а волости можайскиъ Исмея, Числовъ, Боянь, Берестовъ, Поротва, Колоча, Тушковъ, вышнее Глиньско, Пневичи съ Загорьемъ, Болонескъ, а Коржань да Моишинъ холмъ придалъ есмъ къ Можайску; а се волости оъездныъ: Верея, Рудь, Гордошевичи, Гремичи, Заберега, Сушовъ, да село Репиньское, да Ивановъское Васильевича въ Гремичахъ. А Колуга и Роща сыну же моему князю Аяьдръю; и что вышягалъ бояринъ мой Федоръ Аньдръевичь на обчемъ рътъ Товъ я Медынь у Смолнянъ, а то сыоу же моему князю Аньдръю. А изъ московъскихъ селъ ему: Напрудьское село, да Луциньское на Яузъ съ мелницею, Дъуниньское, Хвостовъское въ Перемышлъ, да лугъ Боровъский, а другий противу Воскресенья; а изъ юрьевъскихъ селъ ему Олексиньское село на Пъкшъ. – А се даю сыну своему князю Петру: Дмитровъ со всъми волостми, и съ селы и со всъми пошлинами и съ шамгою и съ мыты и зъ бортью; а се дмитровскиъ волости: Вышегородъ, Берендъева слобода, Лутосна съ отъездьцемъ, Инобашъ. А изъ московъскихъ волостий князю Петру: Мушкова гора, Ижво, Раменка, слободка княжа Иванова, Вори, Корзеново, Рогожъ, Загарье, Вохна, Селна, Гуслеця, Щерна городокъ; а изъ московъскихъ селъ князю Лешру Новое село, Сулишинъ погостъ; а изъ юрьевъскихъ селъ ему прикупа моего село Богородицькое на Богоне. – А се даю сыну своему князю Ивану: Раменейце зъ бортъники, и что къ нему потягло, да Зверковъское село съ Сохоньскимъ починкомъ, что отошло ото князя отъ Володимера; а Сохна сыну же моему князю Ивану; а въ томъ уделе воленъ сынъ мой князь Иванъ, который братъ будетъ до него добръ, тому даеть. – А се благословляю сына своего князя Василъя СВОЕЮ отчиною великимъ княженьемъ. – А сына своего благословляю князя Юрья, своего деда куплею, Галичемъ со всеми волостми и съ селы и со всеми пошлинами, и съ теми селы, которые тягли къ Костроме, Микульское и Борисовъское. – А сына своего князя Аньдрея благословляю куплею же деда своего, Белымъ озеромъ со всеми волостми, и Вольскимиъ съ Шаготью и Милолюбъский езъ и съ слободками, что были детий моихъ. – А сына своего князя Петра благословляю куплею же своего деда, Углечимъ полемъ, и что къ нему потягло, да Тошною и Сямою. – А се даю своей княгине: изъ великого кияжеянья у сына у своего у князя у Василъя исъ Переяславля Юлку, а исъ Костромы Иледамъ съ Комелою; а у князя у Юрья изъ Галича Соль; у князя у Оньдрея изъ Бела озера Вельское съ Шагошью и Милолюбъский езъ; а изъ володимерьскихъ селъ княгине моей: Оньдреевъское село, а исъ переяславъских селъ Доброе село, и что къ нимь потягло; а изъ удела сына своего княжа Васильева Каневъ, Песочну, а исъ селъ, Малиньское село, Лысцево; а изъ княжа удела изъ Юрьева, Юрьеьва слобода, Суходолъ съ Истею съ Истервою, да село Оньдреевъское, да Каменское; изо княжа удела изъ Оньдреева Верея, да Числовъ, да село Луциньское на Яузе съ мельницею; а изъ княжа удела исъ Петрова Ижво, да Сяма. А что есмъ далъ своей киягине изъ удела сына своего княжа Васильева, и изо княжа изъ Юрьева, изо княжа Оньдреева, изо княжа исъ Петрова волости и села; а что Богъ розмыслитъ о моей княгине, и те волости и села во чъемъ уделе, то тому и есть. А се даю своей княгине: свой примыслъ Скирменовьскую слободку съ Шепковымъ, Смоляные съ Митяевъскимъ починкомъ и зъ бортью, съ вышегородскими бортъники, Кропивну зъ бортники съ кропивеньскими и съ исменьскими и зъ гордошевъскими и съ рудьскими, Железкова слободка зъ бортью съ Ивановымъ селомъ съ Хороброва, Искоиьская слободка, Кузовъская слободка, и что княгини моее прикупъ, и что къ ней потянуло, то моей княгине. А по которая места слободьские волостели судили те слободы при мне, и княгини моее волостели судятъ по таже места, какъ было при мне. А что княгини моее купля Лохно, то ее и есть. А на Коломне мой примыслъ Самойлецевъ починокъ зъ деревнями, Савельевский починокъ, Микульское село, Бабышево, Ослебяшевъское, а то княгиня моей. А что ее село Репеньское и, прикуть, то ее и есть. А изь московъскихъ селъ даю своей княгине: Семциньское село съ Ходыньскою мельницею, да Остафьевъское село да Илмовъское; а изъ юрьевъскихъ селъ даю ей куплю свою Петровъское село, да Фроловъское, да Елохъ; а Холхолъ и Заячковъ, то моей княгине. А что ми дала княгини Федосья Суду на Беле озере, да Колашну и слободку, и что благословила княгиню мою Городкомъ да Волочкомъ, та места ведаетъ княгини Федосья до своего жывота; а по ее жывоте, то княгине моей. А теми своими примыслы всеми благословляю княгиню свою, а в техъ примысмьхъ волна моя княгини, сыну ли которому дасть, по души ли дасть; а дети мои въ то не въступаютъся. А которые деревни отоималъ былъ князь Володимеръ отъ Лытькиньского села княгини моее къ Берендеевъ слободе, а те деревни потяутъ къ Лышкинскому селу моее княгини. – А по грехомъ котораго сына моего Богъ отъиметъ н княгини моя поделитъ того уделомъ сыновъ моихъ; которому что дасть, то тому и есть, а дети мои изъ ее волн не вымутъ. – А дасть ми Богъ сына, и княгини моя поделитъ его, возмя по части у болшие его братьи. А у которого сына моего убудетъ отчины, чемъ есмъ его благословилъ, и княгини моя поделишъ сыновъ моихъ изъ ихъ уделовъ: а вы дети мои матери слушайте. – А по грехомъ, отъиметъ Богъ сына моего князя Василья, а хто будет подъ темъ сынъ мой, ино тому сыну моему княжъВасильев уделъ, а того уделомъ поделитъ ихъ моя княгини: а вы дети мои слушайте своее матери; что кому дасть, то тому и есть. А коля детемъ моимъ взяти дань на своей отчине, чъмъ есмъ ихъ благословилъ, и сынъ мой князь Василей возметъ съ своего удела съ Коломны и со всехъ коломеньскихъ волостий 300 рублевъ н 40 и 2 рубли, и княгини моя дастъ ему въ то серебро съ Песочны 50 рублевъ безъ 3-хъ, а съ Канева дватцять рублевъ и два рубли. А князь Юрьи возметъ съ Звенигорода и со всехъ звенигородскихъ волостий двестъ рублевъ и семъдесятъ рублевъ и два рубли, и княгини моя дастъ ему въ то серебро съ Юрьевы слободы пятьдесятъ рублевъ; а съ Суходола полъпятадесять рублевъ, а съ Смоляных 9 рублевъ, а съ Скирменовъские слободки 9 рублевъ. А князь Оньдрей возметъ съ Можайска и со всехъ волостий можайскихъ сто рублевъ и семъдесятъ рублевъ безъ трехъ, а съ отьездныхъ местъ семъдесятъ рублевъ безъ дву, и княгини моя дастъ ему въ то серебро двадцять рублевъ и полътретья рубля съ Вереи, а съ Числова полъосма рубля, а съ Заячкова дватцять рублевъ и два; съ Холъхла десять рублевъ, съ Желесковы 9 рублевъ, съ Исконьскиъ слободки полъсема рубля, съ Кропиввы полъсема рубля. А князь Петръ возметъ съ своего удела сто рублевъ и одинънатцять, и княгиня моя дастъ ему въ то серебро с Ижва тритцять рублевъ. А князь Иванъ дастъ квязю Василью съ Сохны пять рублевъ, а съ Раменейця дастъ князю Петру пять рублевъ, а то возмутъ въ тысячю рублевъ; а будетъ боле или меньши, ино по тому розочту. А переменитъ Богъ орду, дети мои не имуть давати выхода въ орду, и который сынъ мой возметъ дань на своемъ уделе, то тому и есть. А что есмъ подавалъ своей княгине волости и села изъ уделовъ детий своихъ, и свой примыслъ и слободы и села, и Холхолъ и Заячковъ, а съ техь волостий, и съ слободъ и съ селъ, что возметъ княгини моя, то ей и есть; а дети мои въ то не въступаютъся. А исъ техъ волостий и слободъ и селъ, что есмъ вымалъ у детий своихъ изъ уделовъ, а подавалъ княгине своей, а кому будет жалоба сиротамъ на волостели, и темъ людемъ учинитъ исправу княгини моя; а дети мои въ то не въступаютъся. А что есмъ далъ сыну своему князю Аньдрью Заберегу, за то дети мои вси даютъ оброкъ святому Спасу пятьнатцять рублевъ на годъ на спасовъ день. – А се благословляю детий своихъ: сыну моему старишему князю Василью икона Парамшина дела, чепь золота, что ми дала княгини Василиса, поясъ золотъ великий съ каменьемъ бсзъ ремени, поясъ золотъ съ ременемъ Макарова дела, бармы, шапка золота; а сыну моему князю Юрью поясъ золотъ новый съ каменьемъ съ жомчюгомъ безъ ремени, поясъ золотъ Шышкина дела, вотола сажева; а сыну моему князю Оньдрею снастъ золота, поясъ золотъ старый новгородьский; а сыну моему князю Петру поясъ золотъ съ каменьемъ пегий, поясъ золотъ съ калитою да съ тузлуки, да наплечки, да аламъ; а сыну моему князю Ивану поясъ золотъ татауръ, да два ковша золоты по две гривенки. А что ся останетъ золото или серебро, или иное что но есть, то все моей княгине. А что ся останетъ стадъ моихъ, темъ моя княгини поделиться съ моими детми по частемъ. – А хшо будетъ моихъ казначеевъ, или хто будетъ моихъ дьяковъ прибытокъ мой отъ мене ведали, или посельскихъ, или тиуновых или хшо женилъся у техъ, те все не надобе моей княгине и моимъ детемъ. – А приказалъ есмъ свои дети своей княгине: а вы дети мои слушайте своее матери во всемъ, изъ ее воли не выступайтеся ни в чемъ. А который сынъ мой не иметь слушаши своее матери, а будеть не въ ее воли, на томъ не будеть моего благословенья. А дети мои, молодшая братья княжы Васильевы, чтите и слушайте своего брата старишего князя Василья въ мое место своего отця: а сынъ мой князь Василий держытъ своего брата князя Юрья и свою братью молодшюю въ братьстве безъ обиды. – А хто моихъ бояръ иметь служыти моей княгине, техъ боярь дети мои блюдете съ одиного. – А хто сю грамоту мою порушиш, судить ему Богъ, а не будеть на немъ милости Божий, ни моего благословенья, ни въ сий векъ, ни вь будущий. – А писалъ есмъ сю грамоту передъ своими отци, передъ игуменомъ передъ Сергиемъ, передъ игуменомъ передъ Савастьяномъ; а туто были бояре наши Дмитрий Михайловичь, Тимофей Васильевичъ, Иванъ Родивоновичь, Семенъ Васильевичь, Иванъ Федоровичь, Олександръ Аньдреевичь, Федоръ Анъдреевичь, Федоръ Аньдреевичь, Иванъ Федоровичь, Иванъ Аньдреевичь; а писалъ Внукъ.
«Къ сей граммате, писанной на пергамине, привешена серебряная позолоченная печать».
Данный текст является ознакомительным фрагментом.