Сведения о преподобном Данииле Шужгорском (память 21 сентября/4 октября)

Преподобный Даниил был родом из пределов Московских. Пострижение в иноческий сан он получил в Комельском монастыре преподобного Корнилия (память 19 мая/1 июня). Отсюда преподобный Даниил ушел для подвигов в безлюдную и лесистую местность, на гору, называемую Шужгорской, и основал здесь свой монастырь[31].

Время жизни подвижника относится к XVI столетию.

Празднование преподобному Даниилу местное. Его мощи почивали под спудом за правым клиросом в церкви в честь Преображения Господня.

Молитва

О преблагий наш пастырю и учителю, великий чудотворче Данииле! Услыши нас грешных, молящихся к тебе и имя твое святое призывающих. Виждь немощных, управляемых отвсюду и всякаго блага лишенных и умом от малодушия помраченных. Потщися, угодниче Божий, плененных нас свободити, и не остави нас грешных врагом в радость быти и в лукавых наших деяниих умрети. Моли о нас грешных Содетеля нашего и Владыку, Емуже со бесплотных лики предстоиши: милостива сотвори Бога нашего, да не воздаст нам по делом нашим и по нечистоте сердец наших, но по Своей милости да сотворит нам. На твое милосердие уповаем и тобою хвалимся, и имя твое святое на помощь призываем, и к тебе припадающе, исцеления просим: избави нас, светильниче Христов, от злых бед, находящих на нас, и отвсюду возстающия на ны волны укроти, да не обымет нас напасть до конца и не погрязнем в пучине греховней. О преподобне Данииле! Услыши нас грешных, в час сей моление тебе приносящих: помолися о нас ко Владыце Христу Богу, велие бо дерзновение к Нему стяжал еси, искренний молебниче о душах наших; умоли Небесного Царя отпустити нам грехи, и сподоби нас бесконечныя радости во веки веков.

Ина молитва

О преподобне и богоносне отче наш Данииле! Услыши мя недостойного, в час сей моление тебе приносящаго: помолися Христу Богу отпустити моя согрешения. Велие бо дерзновение ко Господу стяжал еси. умоли Его, святе, молитвами твоими от вечныя муки избавитися ми, и Небеснаго Царствия наследнику быти со всеми праведными, от века угодившими Господу нашему Иисусу Христу, емуже подобает всякая слава, честь и поклонение, со Безначальным его Отцем, и Пресвятым и Благим и Животворящим его Духом, ныне и присно и во веки веков. Аминь.