Псалом 130

Госпоже, не вознесеся сердце мое о великих и дивных мира сего, преходит бо мир сей и образ его; но Ты, Владычице, святынею, славою и честию превознеслася еси над всеми, Тя убо едину возлюби душа моя; миро излиянное имя Твое и воня милостей Твоих паче всех аромат; Ты едина, во мраце греховнем проницающая предо мною, аки утро; добра, яко луна; избранна, яко солнце: полагаю убо Тя, Царицу небесную, аки печать на сердце моем и покланяюся святейшему величеству Твоему.