Псалом 110

Исповемся Тебе, Госпоже, всем сердцем моим и прославлю Тя усты моими, память чудес Твоих сотворила еси во всяком роде и роде, и милости Твоя во истине и правоте; Отец небесный посла нам вечно мирный завет Свой чрез возлюбленнаго Сына Своего и Ты, Владычице, послужила еси великому святейшему оному таинству. Коль убо блажен жребий наш, коль восхитительна надежда наша на Тя! Славно и дивно имя Твое в нас: содержащии его в сердце не ужаснутся в час смерти.