Псалом 92

Господь воцарися, в лепоту облечеся; облече и благословенную Матерь Свою преиспещренною одеждою всех прекрасных добродетелей, освященному бо Духом Святым дому Его подобает таковая святыня. Научи и нас, Владычице, всякую творити правду, облецы души наша в ризу спасения, да не вне чертога Христова пребудем, помози оскудевающим в чистой совести, преобрази ю и предустави ны в жребий небесныя истины.