Псалом 126

Аще бы не Госпожа Владычица наша Царица небесная предстательствовала о нас, грешных, к правосудному Богу, подвигли бы грехи наша праведный гнев Его к отмщению, и аще бы Она, яко мысленное солнце, не озаряла вся концы земли дивными знаменьми и преславными чудесами, тма неверия и мгла невежествия обяли бы человеков. О, премилосердная Владычице, веруем несомненно, молимся смиренно и покланяемся Тебе благонадежно, пред небом и землею исповедуя, яко Ты еси небесный немерцающий свет, во тме земных сует светящий, яко Ты еси всем кающимся грешником споручница во спасение, яко Ты еси возлюбленная Матерь Божия, преблагословенная в род и род; Господь с Тобою и Тобою с нами!