Псалом 15

Сохрани мя, Госпоже, яко излияся на Тя неисчерпаемый ток Божией благодати, излей и на мя каплю ея; чрево бо Твое девственное, утроба Твоя чистейшая Всевышняго Бога, возлюбленнаго Сына, от Духа Святаго роди; благословени пречистии сосцы Твоя, ими же Спасителя Иисуса Христа питала еси. Исповедайте Ей хвалы, девы целомудренныя, аще токмо обрели есте благодать и милость Ея, дадите великолепие имени Ея и хвалите в век века зачатие и рождество Ея.