Псалом 146

Хвалите Госпожу Приснодеву Марию, яко благ есть псалом; услажденна и красна сицевая Ей хвала; сия бо есть помощница сокрушенных сердцем и умащает их благовонным миром благоволения о них; велики милости Ея, благодать и щедроты Ея не имут конца; предварите Ей в воскликновении, во исповедании псалмов пойте Ей, благоволит бо Царица небесная в прославляющих Ю и уповающих на милости Ея.