6. О любви и радости от Бога и от мира и греха

6. О любви и радости от Бога и от мира и греха

Радость греховная есть любовь греха: а радость суетная есть любовь временных вещей. Извергни убо вон, еже есть зло, да поняти возможеши, еже есть добро. Излей горесть, да возможеши наполнится сладости; Дух Святый есть радость и любовь. Отрини от себе духа диаволя и мира сего, да восприимеши Духа Божия. Дух диавол делает радость греховную: а дух мира сего радость суетствия. Сии?то суть радости злые: едина бо имеет вину; а другая случай вины. Но придет Дух Божественный, когда извержены будут духи злые, и внидет веселее сердечное, и сотворит радость благую, юже вон изгоняет любовь мира сего и любовь греха. Любовь мира уловляет и прельщает, а любовь греха оскверняет и ко смерти приводит. Любовь Божия ум просвещает, совесть очищает, душу увеселяет и к Богу путь показывает.

Сеяй бо в плоть свою, наслаждением мирским питается, и пожинает тление. Сеявый же в дух молитвою, и постом, и бдением, от духа пожнет жизнь вечную.