I. Похвальное слово Сергию Радонежскому, написанное Епифанием Премудрым в 1412 году
I. Похвальное слово Сергию Радонежскому, написанное Епифанием Премудрым в 1412 году
Текст печатается по списку из собрания Н. С. Тихонравова, № 705.
Слово похвално преподобному отцу нашему Сергию.
Сътворено бысть учеником его священноинокомъ Епифаниемъ.
Благослови, отче
Тайну цареву добро есть хранити, а д?ла Божиа пропов?дати преславно есть; еже бо не хранити царевы тайны — пагубно есть и блазнено, а еже млъчати д?ла Божиа преславнаа — б?ду души наносить. Т?м же и аз боюся млъчати д?ла Божиа, въспоминаа муку раба оного, приимшаго Господень талантъ, и в земли съкрывшаго, и прикупа имь не сътворшаго. Никто же бо достоинъ есть, неочищену[322] им?а мысль вънутреняго челов?ка; таковъ сый страстный азъ, пленицами многыми гр?ховъ моихь стягнутъ, таковымь преславнымь вещемь нел?по б? мн? коснутися, нъ разв? тъчию безакониа моа възв?щевати и пещися о гр?с?хь моихь. Нъ поне же желание привлачит мя и недостоиньство ? млъчати запр?щает ми, и гр?си мои яко бремя тяшко отягот?ша на мн?. И что сътворю? Дръзну ли недостойн? к начинанию? Что убо, реку ли или запр?щу в себ?? Окаю ли свое окаанство? Внимаю ли въсходящимъ на сердце мое блаженствомь о преподобн?мь?
Нъ ты сам, отче, сьд?йствуй ми, да не яко недостойну ми помрачится умъ мой, нъ самь, — яже и не пишущу ми в мысли моей, да взыдуть от твоихь похвалъ, — сиа пищющу ми, ты вразуми и настави. Множицею бо воспомянувь и слезы о семь испустихь моего ради недостоинства, да не како не получу искомаго, о нем же начахь, аще не ты руку простреши. Н?смь бо доволенъ по достоанию хвалы теб? принести, нъ малаа от великых пров?щати. Нъ обаче сподоби мя принести похвалы теб?, приносящаго молбы о моей худости къ Христу Богу нашему. Аще бо и вси достойни, нъ азь недостоинъ есмь, влекомь и жадая, да пон? крупицам трапезы избранных причастникь буду: могут бо и множество крупиць насытити алчющих душа, наипаче же духовных отець учениа и душеполезнаа словеса не токмо т?леса, нъ и самую душю могуть укр?пити и окормляти къ духовнымь подвигомъ: поне же св?тла, и сладка, и просв?щенна нам всечестных нашихь отець възсиа память, пресв?тлою бо зарею и славою просв?щающеся, и нас осиявають. Св?тла убо въистину, и просв?щенна, и всякоя почести от Бога и радости достойна, им же вашихь боголюбивых душь, яко възлюбленых чядъ отець, къ духовному веселию нын? съзвавши и, яко любителя отець, въ св?тл?й сей церкви радостно приемлющи и любовию веселящи прежде же плотскыя духовную вамъ предуготовляющи трапезу: исполнь сущи радости и веселиа духовнаго и исполнь сладости божественых ? словесъ, аггельскыя пища.
Пищу убо аггельскую Писание духовнаа словеса нарицают, им же душа наслаждаеть, вънимающи умом, и яко пищею т?ло, тако и словом укр?пляема бываеть душа. Сладость бо словесную Давидъ вкусивь, удивляяся, к Богу глаголеть: «Коль сладка гортани моему словеса Твоя, паче меда устомъ моимъ. От запов?дей Твоих разум?х, и сего ради възненавид?хь всякь путь неправды». Такожде и древнии отцы наши и прочии вси, иже в пост? провосиаша.
Сих же стопамь посл?дуя и житию ихъ ревнуя, всякь путь неправды възненавид? и истину възлюби, его же и прежде надписаниемь слова вм?нихомь и от нас днесь нын? похваляемь есть Сергие, блаженый и преподобный отець нашь. Сему убо въправду подобаеть дивитися, и достойно есть ублажити: зане и онъ, челов?кь подобострастенъ намь бывь, но паче нас Бога възлюби, и вся краснаа мира сего, яко уметы, вм?ни и презр?, и усръдно Христу посл?дова, и Богъ възлюби его; и яко угодити Ему искрено потщася, и удиви и прослави Его; «славящаа Мя бо, — рече, — Азъ прославлю, уничижающаа же Мя без чести будуть». И его же Богъ прослави, кто можеть похвалу его съкрыти? Л?по убо и намь того в правду достойно ублажити и похвалити: похвала бо его яже от нас не оного что ползуеть, нъ намь паче спасение духовное съд?вает. Сего ради в наше научение полезно узаконися, иже от Бога почести святых посл?днему роду писаниемь предавати, да не глубиною забвениа покрываются святого доброд?тели, нъ паче же разумно словесы сказующе, подобно симь открывати, яко не утаити ползу слышащимь.
В?сть бо доброд?тель словомь многым умилити, яко же жалом душу уязвити и к Богу чистымь житиемь подвигнути. Такожде и съй приведе къ Богу многых душа ? чистымь своимь и непорочным житием, преподобный игуменъ отець нашь Сергие святый: старець чюдный, доброд?телми всякыми украшенъ, тихый и кроткый нравъ им?я, и сьм?реный добронравый, прив?тливый и благоув?тливый, ут?шителный, сладкогласный и благоподатливый, милостивый и добросрьдый, см?реномудрый и ц?ломудреный, благогов?йный и нищелюбный, страннолюбный и миролюбный, и боголюбный; иже есть отцамь отець и учителемь учитель, наказатель вождемь, пастыремъ пастырь, игуменомь наставникь, мнихомь начялникь, монастырем строитель, постникомь похвала, мльчялником удобрение, иереомь красота, священникомь благол?пие, сущий вождь и неложны учитель, добрый пастырь, правый учитель, нелестный наставникь, умный правитель, всеблагый наказатель, истинный кръ?мникь, богоподатный врачь, изящный предстатель, священный чиститель, начялный общежитель, милостыням податель, трудолюбный подвижникь, молитвеникь кр?покь, чистот? хранитель, ц?ломудриа образь, столпь трьп?ниа; иже поживе на земли аггелскымь житиемь и вьзсиа вь земли Русст?й, акы зв?зда пресв?тлаа; иже за премногую его доброд?тель людемь на ползю бысть многымь, многымь на спасение, многымь на усп?х душевный, многым на потребу, многым на устрои; иже бысть христолюбивым княземь великымь русскым учитель православию; велможам же, и тысущным, и прочим стар?йшинамь и всему синглиту, и христолюбивому всему воинству еже о благочестии твердый поборникь; архиепископом же, и епископом, и прочимь святителемь, архимандритом благоразумный и душеполезный възгласникь и съвоспросник; честным же игуменом и презвитеромь ? приб?жище, иночьскому же чину акы л?ствица, възводящиа на высоту небесную; сиротамь акы отець милосердь, вдовицамь яко заступникь тепль; печалным ут?шение, скръбящимь и с?тующимь радостотворець, ратующимся и гн?вающимся миротворець, нищим же и маломощнымь сокровище неоскудное, убогымь, не имущимь повседневныя пища великое ут?шение, болящимь вь мноз?х недуз?х пос?титель, и изнемагающимь укр?пление, малодушьным утврьжение, безвременнымь печалникь, обидимымь помощникь, насильствующим и хыщником кр?покь обличитель, сущимь вь пл?нени отпущение, в работах сущимь свобождение; вь темницах вь узах дрьжимым избавление, дльжным искупление, вс?мь просящим подаание, пианицам истрезв?ние, гръделивымь ц?ломудрие, чюжаа грябящимь въстягнове?ние, лихоимцемь възбранникь, гр?шникомь кающимся в?рный поручитель и вс?мь прит?кающимь к нему, акы къ источнику благопотребну.
Б?ше же вид?ти его хождениемь и подобиемь аггелол?пными с?динами честна, постом украшена, въздержаниемь сиая и братолюбиемь цв?тый, кротокь взором, тихь хождениемь, умиленъ вид?ниемь, смиренъ сердцемь, высокь житиемь доброд?телным, почтенъ Божиею благодатию. Поне же Бога чтяше, и Богъ почте его и честь многу положи на нем. Онъ Бога прослави, и Богъ на земли прослави его, яко же рече Господь въ святомь Еуангелии: «Тако да просв?тится св?т вашь пред челов?кы, яко да видят д?ла ваша блага и прославят Отца вашего, иже есть на небес?хь». И пакы рече: «Не укрыется град, врьху горы стоя. Ни вжигают св?тилника и поставляють его под спудомь, но на св?щниц?», и прочаа.
Сего же угодника Своего, преподобнаго ? отца нашего и преблаженаго Сергиа, тако Богъ почте и, и тако прослави его, яко да молитвами его мнози от бол?зней здрави бывааху и многи от недугь исц?ление приаша, мнози от б?совъ избавишася и от многоразличных искушений очистишася. Толико бо Богъ прослави угодника Своего не токмо в той стран?, в ней же святый живяше, но и въ иных град?х, и в далних странах, и въ вс?х языц?хь от моря даже и до моря, не токмо въ Царьствующемь град?, но и въ Иерусалим?. Не токмо едини православнии почюдишася доброд?телному житию преподобнаго, но и нев?рнии мнози удивишася благопребывателн?й жизни его: бяше бо Бога възлюби вс?м сердцемь своимь и ближняго своего, яко и сам ся. Равно бо любляше вс?х и вс?мь добро творяше, и вси ему благотворяху; и къ вс?мь любовь имяше, и вси к нему любовь им?аху и добр? его почитааху. И мнози ? к нему прихождааху, не токмо ближнии, но издалече и от далних градовъ и странъ, хотяще вид?ти и, и слышати слово от него, и велику ползу и душевное спасение приемлюще от поучениа и д?лъ его: учяше бо и творяше, яко же в Д?аниихь святых Апостолъ речеся: «Поне же начатъ Исус творити же и учити»; иже убо словом учяаше, то же и самь д?ломь творяше.
И не токмо от поучениа его ползеваахуся, нъ и многажды н?кымь, зрящимь на нь точию, от зр?ниа его приимати ползу многымь. Многых научи душеполезными словесы, и на покаание къ Богу обрати, и многых спасе, облекь въ иночьскый образь, паче же аггельскы, и честныа мощи ихь своима рукама опрятавь, погребению предасть. И многых душа к Богу приведе, и мнози поучениемь его спасошася и донын? спасаются, не точию иноци, нъ и простии, поминающе душеполезнаа его словеса и учениа; ? упасе бо порученое ему от Бога стадо въ преподобии и правд?, образь во всемь бывь своимь ученикомь. Поживе на земли житие чисто, непорочно и благоугодно Господеви, еже наченъ от юности з?ло, то же и съвръши въ старости глубоц?, не изм?нивь правила чрьнечьскаго во вся л?та житиа своего, никако же разл?нися, ни унывъ, не инако начя, и инако оконча: но елико убо жестоко и свято начя, толико же изрядно и чюдно скончя; съ благоизволениемь убо начя, съ святынею же съвръши въ страс? Божии. «Зачало бо премудрости страх Господень»; зане же в?ру, и упование, и любовь преизлише приобр?те, т?м же благочестив? начя, и благочестно поживе, и свято съвръши. Равно течение сконча, в?ру съблюде, и в?нець праведный получи, и мзду в?рну въсприят трудовь ради и исправлений своихь, ими же подвизася на земли, подвигь многь съ?връшивъ, и труд великь подъятъ, тяготу вара дневнаго понесъ, и зной полудневный доблестовн? въсприятъ, и студень зимную велми пострада, и мразы лютыа и нестерпимыя претрьп? имени ради Божиа; и того ради нын? въсприятъ мзду съвръшену и велию милость.
Что же много глаголю, и глаголя не престаю, умножая р?чь, распростираа глаголы и продолжаа слово, не могый по достоанию написати житиа добраго господина и святого старца, не могый по подобию нарещи или похвалити достойно? Но обаче прочаа его доброд?тели инде скажемь, и многаа его исправлениа инде пов?мь, и похвалу его изложимь, аще Богъ вразумить и силу подасть молитвами святого старца; нын? же н?сть время за оскуд?ние разума и за м?лину ума моего.
Сиа же подробну писах не к т?мь, иже изв?сто св?дущим и добр? знающимь благочестное житие его: ти бо не требують сего възв?щение. ? Нъ понудихся възв?стити сиа и въспомянути новорожденым[323] младенцемь и младоумнымъ отрочатом, и д?тьскый смыслъ еще имущимь, да и ти н?когда възрастуть, и възмужають, и преусп?ють, и достигнут в м?ру връсты исполънениа мужества, и достигнуть в разумь сверъшенъ, и другь друга въспросят о семь, и почетше разум?ють и ин?мь възв?стять, яко же въ Святомь писании речеся: «Въпроси, — рече, — отца твоего, и възв?стить теб?, старца твоя, и рекуть теб?. Елико вид?ша, и слышаша, и разум?ша отци наши, пов?даша намъ, да не утаится от чад ихь в род инъ сказати я сыновомъ своимъ, да познает родъ инъ, сынове родящеися, да въстануть и пов?дять я сыномь своимь и не забудуть д?лъ Божиих». Елици бо их бышя великому тому и святому старцу самовидци же и слугы, ученици и таибници, паче же послушници, иже ? своима очима вид?ша его, и уши их слышаша и, и руц? ихь осязаста и, ядоша же и пища с ним, иже учениа его насытишася и доброд?тели его насладишяся, то тии не требують сего нашего писмене. Доволни бо суще и иныхь научити, паче же и мене самого наказати, и изв?стити, и наставити на путь правый; а елици ихь еже быти нын? начинають, яко же преди речеся, иже не вид?ша, ни разум?ша, и вс?мь сущимь, наипаче же новоначалным з?ло прилична и угодна суть, да не забвено будеть житие святого тихое, и кроткое, и незлобивое; да не забвено будет житие его чистое, и непорочное, и безмятежное; да не забвено будет житие его доброд?телное, и чюдное, и преизящное; да не забвены будуть многыя его доброд?тели и великаа исправлениа; да не забвены будуть благыа обычаа и добронравныя образы; да не будуть бес памяти сладкаа его сло?веса и любезныя глаголы; да не останет бес памяти таковое удивление, иже на немь удиви Богь милость свою и дарова намь вид?ти такова мужа свята и велика старца, иже бысть вь дни наша.
О, вьзлюблении! Вьсхот?х умльчати многыа его доброд?тели, яко же преди рекох, но обаче внутрь желание нудит мя глаголати, а недостоинство мое запр?щает ми мльчати. Помысль бол?зный предваряеть, веля ми глаголати, скудость же ума заграждает ми уста, веляще ми умлькнути. И поне же обьдрьжимь есмь и поб?ждаемь об?ма нуждема, но обаче лучше ми есть глаголати, да прииму поне малу н?кую[324] ослабу и почию от многых помысль, смущающих мя, вьсхот?вь н?что от житиа святого пов?дати, сир?чь от многа малая. И вземь, написах и положихь зд? в худ?мь нашемь гранесьсловии на славу и честь Свят?й и Живоначялн?й Троици и Пречист?й Его Матери ? и на похвалу преподобному отцю нашему Сергию худымь своимь разумомь и растл?ннымь умомь. Наипаче же усумн?хся, дрьзаа, над?яся на молитву блаженаго, поне же житие его доброд?телно есть и сьврьшено, и от Бога прославлень бысть. Аз же убояхся, яко немощень есмь, груб же и умовредень сый; нь обаче подробну глаголя, невьзможно бо есть постигнути до конечнаго спов?даниа, яко же бы кто могль испов?дати доволно о преподобьн?м семь отци нашем и великом старци, иже бысть вь дни наша, и времена, и л?та, и вь стран? и вь языц? нашем, поживе на земли аггелскымь житиемь, стяжа трьп?ние кр?пко и въздержание твердо, въ девьств?, и чистот?, и ц?ломудрии, съвръши святыню въ страс? Божии, и сподобленъ бысть божественыя благодати: поне же от юности очистися церкви быти Святого Духа и преуготова себе съсуд святъ и избранъ, да вселится Богъ въ нь, ? по апостолу, глаголющю: «Братие, вы есте церкви Бога жива, яко же рече Богъ: «Вселюся в ню».
Сий убо преподобный отець нашь Сергие из д?тьска възраста, и от юны връсты, и от младых ноготъ предасться Богу, и от самых пеленъ Богу освятися, и измлада церкви велми пристояше, и чясто въ ню входя, поучаася въ святых книгахь, навыкь божественаа писаниа, и сладостно их послушая, и в них поучяашеся, яко же пророкь Давидь рече: «Поучится день и нощь и будеть яко древо, сажденно при исходящих водъ, иже плод свой дасть въ время свое». Измлада бо възлюби мнишскый чинъ и въ нь облъкся, измлада въ всякой доброд?тели прил?жно постився и всяку доброд?тель иночьскаго житиа исправи, и св?т благодатный възсиа въ сердци его, и просв?тися помыслъ его благодатию духовною, ея же присп?аше въ житии доброд?телномь.
И въздржание велие стяжа въ себ?, см?реномудрие, ц?ломудрие и къ вс?мь любовь нелице?м?рну. Слава же и слышание пронесеся о немь повсюд?, и вси слышащем издалеча прит?кааху к нему, и великь усп?х, и многу ползу, и спасение приимаху от него: дасть бо ему Господь разум о всемь, и слово ут?шениа даровася ему, могый ут?шити печалныя. Сице же б? тщание его, да не прилпнет умъ его ни кац?х же вещех земных и житейскыхь печалехь; и ничто же не стяжа себ? притяжаниа на земли, ни им?ниа от тл?ннаго богатства, ни злата или сребра, ни скровищь, ни храмовъ св?тлых и превысокых, ни домовъ, ни селъ красных, ни ризь многоц?нных. Но сице стяжа себ? паче вс?х истинное нестяжание и безъим?нство, и богатство — нищету духовную, см?рение безм?рное и любовь нелицем?рную равну къ вс?мь челов?ком. И вс?х вкуп? равно любляше и равно чтяше, не избираа, ни судя, ни зря на лица челов?ком, и ни на кого же возносяся, ни осужаа, ни клевеща, ? ни гн?вом, ни яростию, ни жестостию, ни лютостию, ни же злобы дръжа на кого; нъ бяше слово его въ благодати солию растворено съ сладостию и с любовию.
Кто бо, слыша добрый его сладкый отв?тъ, не насладися когда от сладости словесъ его? Или кто, зряй на лице его, не веселяшеся? Или кто, видя святое его житие, и не покаяся? Или кто, видя кротость его и незлобие, и не умилися? Или кто сребролюбець бысть, видя его нищету духовную, и не подивися? Или кто похыщникь и гордостию превъзносяйся, видя его высокое см?рение, и не почюдися? Или кто бысть блудникь, видя чистоту его, и не пременися от блуда? Или кто гн?вливъ и напрасенъ, бес?дуаи с нимь, на кротость не преложися? Н?смь бо азь вид?лъ въ дни сиа, и в нын?шняа времена, и въ наша л?та сицева мужа свята, и съвръшена въ всяко д?ло благо, и украшена всякою доброд?телию всячьскы. Яко же от про?чихь святых иже кто възлюбленъ есть от Бога, яко же съй преподобный Сергие?
Съй ми есть и первый и посл?дний въ нын?шняа времена; сего Богъ проявилъ есть въ посл?дняа времена на скончание в?ка и посл?днему роду нашему, сего Богъ прославилъ есть в Руской земли и на скончание седмыя тысяща; съй убо преподобный отець нашь провосиалъ есть въ стран? Русст?й, и яко св?тило пресв?тлое възсиа посреди тмы и мрака, яко цв?тъ прекрасный посреди тръниа и волцечь, яко зв?зда незаходимаа, яко луча, тайно сиающи и блистающи, и яко кринъ въ юдолии мирскых, яко кадило благоюханное, яко яблоко добровонное, яко шипокь благоюханный, яко злато посреди бръниа, яко сребро раждежено, и искушено, и очищено седморицею, яко камень честный, и яко бисръ многоц?нный, яко измарагдъ и самфиръ пресв?тлый, яко финиксъ процв?те, яко кипарисъ при водахь, яко кедръ иже въ Ливан?, ? яко маслина плодовита, яко араматы благоюханиа, яко миро излианное, яко сад благоцв?тущь, яко виноград плодоносенъ, яко гроздъ многоплоденъ, яко оград заключенъ, и яко врътоград затворенъ, яко сладкый запечатл?нный источникь, яко съсуд избранъ, яко алавастръ мира многоц?ннаго, яко град нерушим, яко ст?на неподвижима, яко забрала тверда, яко сынъ кр?покь и в?ренъ, яко основание церковное, яко стлъпъ непокол?бимъ, яко в?нець пресв?тлый, яко корабль, исплънь богатства духовнаго, яко земный аггелъ, яко небесный челов?кь.
Успе же старець о Господ? въ старости глубоц?, добр? поживъ, въ преподобии, и правд? и ц?ломудрии, въ смиреномудрии, въ всякой чистот? и святыни, исплънь дний духовных. Преставися от житиа сего л?т седмидесять. Чернечествова же л?т 50 съ всякым прилежаниемь и въздержаниемь, не л?ностию ? когда съдръжимь, нъ съ бодростию и со мноз?мь трезв?ниемь, и вс?х инокь предусп? в род? нашемь труды своими и тръп?ниемь, и многых превзыде доброд?телми и исправлении своими. Что же наше житие или что наше пребывание противу святаго подвигомь и прочимь доброд?телем? Ничто же есть наше чрьнечество, и наша молитва яко ст?нь есть. Колико растоание имать востокь от запада, сице намь неудобь есть постигнути житиа блаженаго и предивнаго мужа. Сице ти есть житие его и сицевы труды его, и исправлениа, и подвизи, и потове, и мнози бол?зни, еже от многа мало н?что понудихомся, аще и не по чину положихом, ни по достоянию написахом.
Егда же присп? вр?мя преставлениа его, запов?да учеником своимь и не повел? имь въ церкви положити ся, нъ вн? церкви тако просто повел? погребсти ся съ прочими братиами. Братиа же, слы?шавше сиа от святого, з?ло скръбни быша и о семь въспросиша пресвят?йшаго архиепископа. Тогда же б? въ преславн?мь и пресловущем в велиц?мь град? Москв?, украшаяй престолъ Пресвятыя и преславныя Владычица наша и Богородица, преосвященный Киприанъ митрополитъ. Порасмотривъ и рассудивъ в себ?, како и гд? погребется блаженный, и благослови и повел? имь положити его въ церкви на прав?й стран?; еже и бысть. Положено же бысть т?ло преподобьнаго въ церкви, ю же самь създа, и въздвиже, и устрои, и съвръши, и украси ю всякою подобною красотою, и нарече сиа быти въ имя Святыа, и Живоначялныя, и Неразд?лимыя, и Единосущныя Троица; въ честн?мь его монастыри, и пресловущей лавр?, и велиц?й оград?, и в славн?й обители, ю же самь съгради, и совокупи, и устрои; иде же братию собра, словесное стадо Христово, и спасеную паству упасе ю въ незлобии сердца своего, ? и в разум? настави; иде же и самь од?янъ бысть въ иночьскый образъ, паче же аггелскый; и многы тмами темь труды положи, и неизчетныа подвигы показа; иде же непрестанныя молитвы сътвори; иде же повседневныя и нощныа п?ниа и благодарениа славословяше и Бога въсп?ваше; иде же многол?тное и многострадалное течение свое препроводи и укр?пи, не исходя от м?ста своего во иныя пред?лы, разв? нужда н?кыя.
Не взыска Царьствующаго града, ни Святыя горы или Иерусалима, яко же азь, окаанный и лишеный разума. Увы[325], лют? мн?! Ползаа с?мо и овамо, и преплаваа сюду и овуду, и от м?ста на м?сто преходя; нъ не хождааше тако преподобный, нъ в млъчании добр? с?дяше и себ? вънимааше: ни по многым м?стомь, ни по далнимь странамь хождааше, нъ въ единомъ м?ст? живяше и Бога въсп?вааше. Не искаше бо суетных и стропотных ? вещий, иже не треб? ему бысть, нъ паче всего възыска единого истиннаго Бога, иже чимь есть душа спасти, еже и бысть: «Ищ?те бо, — рече, — и обрящете, и толкущему отвръзается». Кто бо нын? тако възыска Бога вс?мь сердцемь и от всея душа възлюби, яко же съй преподобный отець нашь, яко же пророкь рече: «Вс?мь сердцемь моимъ възысках Тебе»; и пакы: «Възысках Господа, и услыша мя».
Въ время же преставлениа его събрася множество народа от град и от странъ многых, коиждо желаше съ многым тщаниемъ приближитися и прикоснутися честнемь телеси его или что взяти от ризъ его на благословение себе. Поболевъ убо старець неколико время, и тако преставися ко Господу, к вечным обителемъ, изсушивъ тело свое постом и молитвами, истончивъ плоть и умертвивъ уды сущаа на земли, страсти телесныя покоривъ духови, победивъ вреды душевныя, поправъ сласти житей?скыя, отвръгъ земнаа попечениа, одолевь страстнымь стремлениемъ, презревъ мирскую красоту, злато, и сребро, и прочая имениа прелестнаа света сего яко худаа вменивъ и презре. И легьце преплувъ многомутное житейское море, и без вреда препроводи душевный корабль, исплънь богатства духовнаго, беспакостно доиде в тихое пристанище, и достиже, и крилома духовныма въскрилися на высоту разумную, и венцемь бестрастиа украсися, преставися къ Господу и преиде от смерти в живот, от труда в покой, от печали в радость, от подвига въ утешение, от скръби в веселие, от суетнаго житиа въ вечную жизнь, от маловременнаго века в векы бесконечныя, от тля въ нетление, от силы в силу, и от славы в славу. И вси пришедшеи ту и обретшеися плакахуся его ради.
Князи, и боляре, и прочии велмужи, и честнии игумени, ? попы же, и диякони, и инокь множество, и прочии народи съ свещами и с кандилы проводиша честно священныя его и страстотерпческыя мощи, певше над нимь обычныя пения, и благодаривше надгробныя песни, и доволно молитвовавше, опрятавше и благочинне положиша и въ гробе, яко же прежде речеся. И на многь час плакавше над нимь доволно, едва разыдошася кождо въсвоя[си], многа плачя и печали наполнишяся. Наипаче непрестанных слезъ еже ему беша приснии ученици и любимии послушници, в пастве его живущеи, зело вси скръбни быша, и хождаху, сетующе, въздыхающе и рыдающе, стенюще, смерени, слезни, дряхли, печални, умилени, поникли, не имуще утешениа, и другь друга сретающе и въпрашающе, и съ многыми слезами умилено глаголаху: «Прости, отче, и благослови, възлюбленный о Христе брате. Се добрый ? и блаженый нашь старець от нас къ Г осподу отиде, и нас сирых оставивъ. Изыде тамо, иде же есть мзда велиа и въздаание деломь его и многым трудомь его. Изыде с миромь къ Господу, Его же измлада възлюби. Успе сномь вечнымь и длъжным и почи о Господе в покой вечный, токмо нас сирых оставль. Темь ныне и мы по немь жадаемъ и плачемся, яко остахом его и обнищахомь зело, яко осирехомь и умалихомся, яко смерихомся [и уничижихомся, яко оскръбихомся][326] и убожихомся[327], и изумлени быхомъ, яко стадо бес пастыря и корабль бес кръмника, яко виноград многоплодный без стража и болящий без врачя; быхомь смущени и отвръжени». Сиа таковаа и подобнаа симь, по немь скоръбяще и плачюще, глаголаху.
Мнози же убо елици к нему в?ру и любовь имуще не токмо в живот?, нъ и по смерти къ гробу его присно приходяще, и съ страхомь прит?кающе, и в?рою приступающе, и ? любовию припадающе, и съ умилениемь приничюще, и рукама обьемлюще святол?пно и благогов?йно, осязающе очима, и главами своими прикасающеся, и любезно ц?лующе раку мощей его, и устнами чистами лобызающе, и в?рою теплою и горящимь желаниемь и многою любовию бес?дующе к нему, акы живу, поистин? и по успении живому, и съ сльзами глаголюще к нему: «О святче Божий, угодниче Спасовь! О преподобниче и избранниче Христовъ! О священнаа главо, преблаженный авва Сергие великый! Не забуди нас, нищих своихь, до конца, но поминай нас всегда въ святыхь своих и благоприятных молитвах къ Господу. Помяни стадо свое, яже сам паствилъ еси, и не забуди прис?щати чад своих. Моли за ны, отче священный, за д?ти своя духовныя, яко им?я дръзновение къ Небесному Царю, и не премлъчи, въпиа за ны къ Господу, не ? презри нас, в?рою и любовию чтущих тя. Помяни нас, недостойных, у престола Вседръжителева. Не престай моляся о нас къ Христу Богу, теб? бо дана бысть благодать за ны молитися. Не мним бо тя мертва суща, аще и т?лом преставися от нас, но не отступи от насъ духомь, пастуше нашь добрый. Се бо мощий твоих гробъ пред очима нашима видимь есть всегда, нъ святаа твоя душа невидимо съ аггельскыми воинствы, съ бесплотными ликы, съ небесными силами у престола Вседръжителева и в л?поту достойно веселится. Нам бо суще св?дущим тя, яко живу ти и по смерти сущу, тако бо писано есть пророком, глаголющимь: «Душа праведныхь в руц? Божии, и не прикоснется ихь мука; упование ихь исплънь бесмертиа, яко Богъ искуси я и обр?те ихь достойны Себ?; яко злато искуси я, яко всесъзжениа приятъ я; яко благодать и милость въ избра?нных Его, и пос?щение на преподобных Его». «Праведници бо, — рече, — в в?кы живуть, мзда от Господа и строение их от Вышняго; сего ради приимуть царьствие красоты и в?нець доброты от рукы Господня. Память праведнаго с похвалами бываеть, и благословение Господне над главою праведнаго; аще и преставится праведный, в покои будеть; старость бо честна не многол?тна, ни в числ? л?т изчетена есть; с?дины же суть разумь челов?ку, л?та же старости — житие нескверно. Угодень Богу бывь и вьзлюблень бывь, живый посреди гр?шникь преставлень бысть, да не злоба изм?нить разум его, и лесть да не помрачит душу его; скончався, в мал? испльни л?та многа: угодна бо б? Господеви душа его. Того ради любить Господь праведника, сьхранить и живить и, и ублажить его на земли, и не дасть в в?кы смятениа праведнику, ни же дасть вид?ти истл?ниа преподобному Своему. ? Яко высокь Господь на см?реныя призираеть, и приемля кроткыя Господь, и близь есть вс?мь призывающим Его истиною; волю боящихся Его сьтворить, и молитву ихь услышить, и спасеть я; хранить Господь вся любящаа Его; любить Господь праведных сердца, прияти же ему вси непорочнии в путь; хранить Господь вся кости их, и ни едина от нихь не ськрушится; похваляему убо праведнику вьзвеселятся людие. Се тако благословится челов?кь, бояйся Господа, и иже живый в помощи Вышняго вь кров? Бога небеснаго вьдворится; насаждень в дому Господни, вь двор?х дому Бога нашего процвететь, яко к?дрь иже в Ливан? умножится. Си есть слава церковнаа, слава си есть вс?мь преподобнымь Его. Радуйтеся, праведнии, о Господ?, праведнымь подобаеть похвала!» «В память в?чную, — рече, — будет праведникь, и род праведныхь благословится. Мн? же з?ло честни быша друзи Твои, Боже, з?ло утврьдишася владычьствиа ? ихь». Яко же рече Павель апостоль: «Братие, радуйтеся о Господ?», и пакы рече: «Радуйтеся». И речеть праведникь: «Поне же убо сьм?рихся, и спасе мя Господь. Сего ради обратися душе моя в покой твой, яко добро сьтвори теб? Господь, яко изять душю мою от смерти, очи мои от слезь, и ноз? мои от вьспопльзновениа; угодих пред Господомь вь стран? живущих. Се покой мой вь в?кь в?ка, зде вселюся; изволих прим?татися в дому Бога моего паче, неже жити ми в селех гр?шничих. Когда прииду и явлюся лицю Божию вь глас? радованиа и испов?даниа шума празднующаго? Т?м же не умру, нь живь буду и испов?мь д?ла Господня; показуя наказа мя Господь, смерти же не предасть мя. Отврьзите мн? врата правды, и вшед в ня испов?мся Господеви, глаголя: «Господи, Боже силь! Коль вьзлюбленна села Твоя! Желаеть душа моя скончатися вь дворы, яко лучши есть день единь вь двор?х Твоих паче ? тысящь; яко тысяща л?т пред очима Твоима, Господи, яко день вчерашний, иже мимо идеть; яко желаеть елень на источникы водныя, тако вжада душа моя к Тебе, Боже; яко всемь есть веселящимся жилище у Тебе и источникь животу. Блажени живущеи в дому Твоемъ: в векь века въсхвалят Тя. Блажени кротци, яко ти наследят землю и обладають ею».
Яве, яко праведници, и кротци, и смирении сердцемь, ти наследять землю тиху и безмлъвну, веселящу всегда и наслажающу, не токмо телеса, нъ и самую душу неизреченнаго веселиа непрестанно исплъняюще, и на ней вселятся въ векь века.
Тако и съй преподобный отець нашь Сергие того ради вся краснаа мира сего презре и сиа въжделе, и сиа прилежно възыска, землю кротку и безмлъвну, землю тиху и безмятежну, землю красну и всякого исполънь утешениа, яко же ? сама истина рече въ святомь Еуагелии: «Толцай отвръзе себе, и ищай обрящеть бесценный бисеръ», рекше Господа нашего Исус Христа, и Царство Небесное от Него въсприятъ, его же буди всемъ намъ получити благодатию Господа нашего, Ему же подобаеть всяка слава, честь, покланяние съ Безначалным Его Отцемь и съ Пресвятымь, и благымъ, и Животворящимь Его Духомь ныне, и присно, и в векы веком. Аминь.