II. Житие Сергия Радонежского, составленное в 1418 г. Епифанием Премудрым

We use cookies. Read the Privacy and Cookie Policy

II. Житие Сергия Радонежского, составленное в 1418 г. Епифанием Премудрым

Сохранилось в составе Пространной редакции XVI века — в первой ее части (до главы «О изведении источника»). Текст печатается по рукописи МДА, № 88, пропуски восполняются по списку МДА, № 50 (или по смыслу) и заключаются в квадратные скобки.

[328] Житие преподобнаго и богоноснаго отца нашего игумена Сергиа чюдотворца. Списано бысть от премудр?йшаго Епифаниа Предисловие

Слава Богу о въсемъ и всяческыхъ ради, о них же всегда прославляется великое и Трисвятое Имя, еже и присно прославляемо есть! Слава Богу Вышнему, иже въ Троици славимому, еже есть упование наше, св?тъ и животъ нашь, въ Него же в?руемь, вън же крестихомся, о Нем же живемь, и движемся и есмы! Слава показавшему намъ житие мужа свята и старца духовна! В?сть бо Господь славити славящая Его и благословяти благословящая Его, еже и присно прославляет Своя угодникы, славящаа Его житиемь чистымъ, и богоугоднымъ, и доброд?телнымъ.

Благодаримъ Бога за премногую Его благость, бывшую на нас, яко же рече апостолъ: «Благодать Богу о неизреченн?мъ Его дар?!» Паче же нын? длъжьни есмы благодарити Бога о вс?мь, ежедарова намъ такова старца свята, глаголю же господина преподобнаго Сергиа, въ земли нашей Русст?й, и въ стран? нашей полунощн?й, въ дни наша, въ посл?дняа времена и л?та. Гробъ его у насъ и пред нами есть, к нему же в?рою повсегда притекающе, велико ут?шение душамъ нашим приемлем и от сего з?ло пользуемся; да поистин? велико то есть намъ от Бога дарование даровася.

Дивлю же ся о семъ, како толико л?т минуло, а житие его не писано. О семъ съжалихся з?ло, како убо таковый святый старецъ, пречюдный и предобрый, отнеле же преставися 26 л?тъ преиде, никто же не дръзняше писати о немъ, ни далнии, ни ближнии, ни большие, ни меншие: болшие убо яко не изволяху, а меншии яко не см?яху. По лет? убо единемь или по двою по преставлении старцев? азъ, окаанный и вседръзый, дерьзнухь на сие. Въздохнувъ къ Богу и старца призвавъ на молитву, начяхь подробну мало н?что писати от житиа старцева, и к себ? вътайн?[329] глаголя: «Аз не хватаю ни пред кым же, но себ? пишу, а[330] запаса ради, и памяти ради, и пльзы ради». Им?яхъ же у себ? за 20 л?т приготованы таковаго списания свитки, въ них же б?аху написаны н?кыа главизны еже о житии старцев? памяти ради: ова убо въ свитц?хъ, ова же в тетратех, аще и не по ряду, но предняа назади, а задняа напреди.

И сице ожидающу ми в таковая времена и л?та, и жадающу ми того, дабы кто паче мене и разумнее мене описалъ, яко да и аз шед поклонюся ему, да и мене поучит и вразумит. Но распытавъ, и услышавъ и ув?дах изв?стно, яко никто же нигд? же, яко же речеся, не писаше о немъ, и се убо егда воспомяну или услышю, помышляю и размышляю: како тихое, и чюдное, и доброд?телное житие его пребысть бес писаниа по многа времена? Пребых убо н?колико л?т, акы безделенъ в разъмышлении, недум?ниемъ погружаася, и печалиу оскорбляася, и умом удивляася, и желаниемъ поб?жда?ася. И наиде ми желание несыто еже како и коим образом начати писати, акы от многа мало, еже о житии преподобнаго старца.

И обр?тох н?кыа старца премудры въ отв?тех, разсудны и разумны, и въпросих а о семъ, яко да препокоат мое желание, и р?х има, аще достоит писатися. Они же отв?щавше, рекоша: «Яко же бо нел?по и не подобает житиа нечистивых пытати и писати, сице не подобает житиа святых мужъ[331] оставляти, и не писати и млъчанию предати, и в забытие положити. Аще бо мужа свята житие списано будет, то от того плъза велика есть и ут?шение вкуп? списателем, сказателем, послушателем; аще ли же старца свята житие не писано будет, а самовидци и памятухи его аще будут преставилися, то каа потреба толикую и таковую пльзу в забытии положити, и акы глубин? млъчанию предати. Аще не писано будет житие его, то по чему в?дати не знавшим и не видавшим его, каковъ былъ, или откуду б?, како родися, и како възра?сте, и како пострижеся, и како въздръжася, и како поживе, и каковъ им? конець житию. Аще ли будет писано, и сие н?кто слышавъ, поревнует въсл?д жития его ходити и от сего приимет плъзу. Пишет же и Великий Василие: «Буди ревнитель право живущим, и сих житие и д?ание пиши на сердци своем». Виждь, яко велит житиа святых писати не токмо на хартиахъ, но и на своем сердци пльзы ради, а не скрывати и ни таити: тайна бо царева л?по есть таити, а д?ла Божиа пропов?дати добро есть и полезно».

И оттол? нужда ми бысть распытовати и въпрошати древних старцевъ, прил?жно св?дущих, въистинну изв?стно о житии его, яко же Святое глаголеть писание: «Въпроси отца твоего, и възв?стит теб?, и старца твоа, рекут теб?». Елико слышахъ и разум?х — отци мои пов?даша ми, елика от старецъ слышах, и елика своима очима вид?х, и елика от самого устъ слышах, и елика ув?дах от иже въсл?д его ходивъшаго время немало и възлиавшаговоду на руци его, и елика другаа н?кая слышахом и от его брата стар?йшаго Стефана, бывшаго по плоти отца Феодору, архиепископу Ростовьскому; ова же от ин?х старьцевъ древних, достов?рных бывших самовидцевъ рожеству его, и въспитанию, и книговычению, възрасту его и юности, даже и до пострижениа его; друзии же старци самовидци суще и св?д?тели неложнии постризанию его, и начятку пустынножительству его, и поставлению его еже на игуменьство; и по ряду прочим прочии възв?стители же и сказатели бываху.

Ино къ множьству трудовъ старчихъ и къ великым исправлениемъ его възирая, акы безгласенъ и безд?ленъ в недоум?нии от ужасти бываа, не обр?таа словес потребных, подобных д?анию его. Како могу аз, б?дный, в нын?шнее время Сергиево все по ряду житие исписати и многаа исправлениа его и неизчетныа труды его сказати? Откуду ли начну, яже по достоиньству д?я?ниа того и подвигы послушателем слышаны вся сътворити? Или что подобает пръвие въспомянути? Или котораа довл?ет бес?да к похвалениемь его? Откуду ли приобрящу хитрость да възможна будеть к таковому сказанию? Како убо таковую, и толикую, и не удобь испов?димую пов?м пов?сть, не в?д?, елма же чрез есть нашу силу творимое? Яко же не мощно есть мал?й лодии велико и тяшъко бремя налагаемо понести, сице и превосходить нашу немощь и умъ подлежащаа бес?да.

Аще бо и поб?жает нашу худость, но обаче молимся всемилостивому и всесилному Богу и Пречист?й Его Матери, яко да уразумит и помилует мене грубаго и неразумнаго, яко да подастъ ми слово въ отвръзение устъ моихъ, не моего ради, глаголюща, недостоиньства, но молитвъ ради святыхъ старецъ. И самого того призываю Сергия на помощь и съос?няющую его благодать духовную, яко да посп?шникъ ми будет и слову спо?собникъ, еще же и его стадо богозванное, благо събрание, съборъ честныхъ старець. К ним же смирениемъ припадаю, и сам?х т?х подножию касаюся, и на моление призываю и принуждаю. З?ло бо т?х молитвъ повсегда требую[332], паче же нын?, внегда сие начинающу ми начинание и ко ей же устремихъся сказаниа пов?сти. И да никто же ми зазиратель на сие дръзающу будет: ни бо аз сам възможн? имам, или доволенъ к таковому начинанию, аще не любовь и молитва преподобнаго того старца привлачит и томит мой помыслъ и принужает глаголати же и писати.

Достоить же ясн?е рещи, яко аще бо ми мощно было по моему недостоиньству, то подобаше ми отинудь съ страхом удобь[333] млъчяти и на уст?х своих пръстъ положити, св?дущу свою немощь, а не износити от устъ глаголъ, еже не по подобию, ни же продръзати на сицевое начинание, еже чрезъ свое достоание. Но обаче печаль приат мя, и жалость поат мя: толикаи такова велика свята старца пресловуща и многословуща житие его всюду обносимо, и по далним странам, и по градом, мужа явлена и именита вс?м того испов?дающим — и за толико л?т житие оставлено и не описано бяше. Непъщевах сиа млъчанию предати, яко въ глубин? забвениа погрузити. Аще бо не писано будет старцево житие, но оставлено купно без въспоминаниа, то се[334] убо никако же повредит святого того старьца, еже не получити ему от нас въспоминаниа же и писаниа: их же бо имена на небес?х Богъ[335] написа, сим никаа же потреба еже от челов?къ требовати писаниа же и въспоминаниа. Но мы сами от сего не пльзуемся, оставляюще толикую и таковую пльзу. И того ради сиа вся събравъше, начинаем писати, яко да и прочии мниси, яже не суть видали старца, да и т? прочтут и поревнують старцев? доброд?тели и его житию в?руют; «блажени бо, — рече, — не вид?вше в?роваша». Пакы же другойци другаа печаль приемлет мяи обдержит мя: аще бо аз не пишу, а инъ никто же не пишет, боюся осужениа притчи оного раба л?ниваго, скрывшаго талантъ и обл?нившагося. Онъ бо добрый старецъ, чюдный страстотръп?ць, без л?ности повсегда подвигом добрымъ подвизаашеся и николи же обленися; мы же не токмо сами не подвизаемся, но и того готовых чюжих трудовъ, еже в житии его, л?нимся възв?стити писаниемь, послушателем слышаны сиа сътворити.

Нын? же, аще Богъ подасть, хот?лъ убо бых писати от самого рожества его, и младеньство, и д?тьство, и въ юности, и въ иночьств?, и въ игуменьств?, и до самого преставлениа, да не забвена будут толикаа исправлениа его, да не забыто будет[336] житие его чистое, и тихое, и богоугодное. Но боюся усумняся прикоснутися пов?сти, не см?ю и недоум?ю, како бы сътворити пръв?е, начятокъ подписанию, яко выше силы моеа д?ло бысть, яко немощенъ есмь, и грубъ, и неразумиченъ.

Но обаченад?юся на милосердаго Бога и на угодника Его, преподобнаго старца,[337] молитву, и от Бога прошу милости, и благодати, и дара слову, и разума, и памяти. И аще Богъ подасть ми, и вразумит мя, и наставит мя, Своего си раба неключимаго, не отчаю бо ся милости Его благыя и благодати Его сладкыа. Творит бо елико хощет и может, могый даровати сл?пымъ прозр?ние, хромымъ хожение, глухым слышание, н?мым проглаголание. Сице может и мое омрачение просв?тити, и мое неразумие вразумити, и моему неум?нию ум?ние подати да убо о имени Господа нашего Исуса Христа, рекшаго: «Без Мене не можете творити ничто же; ищите и обрящете, просите и приимете». Сего Господа Бога, Спаса помощника на помощь призываю: тъй бо есть Богъ нашъ великодатель, и благых податель, и богатых даровъ дародавець, премудрости наставникъ, и смыслу давець, несмысленым казатель, учяй челов?ка разуму, даа ум?ние неум?ющим, даа молитву молящемуся, даай просящему мудрость и разум, даайвсяко даание благо, даай даръ на пльзу просящим, даай незлобивым коварьство, и отроку уну чювьство и смыслъ, иже сказание словес его просв?щает и разум дает младенцем.

До зде убо окончавше пр?дъсловие, и тако Бога помянувше и на помощъ призвавше Его: добро бо есть о Боз? начяти, и о[338] Боз? кончяти, и къ Божиим рабом бес?довати, о Божии угодниц? пов?сть чинити. Начнем же уже основу слова, имемся по бес?ду, еже положити начяло пов?сти; и тако прочее житие старцево о Боз? начинаемъ писати сице.

Начало житию Сергиеву. Благослови, отче

Съй преподобный отецъ нашъ Сергие родися от родителя доброродну и благов?рну: от отца, нарицаемаго Кирила, и от матере именем Мариа, иже бяста Божии угодници, правдиви пред Богомъ и пред челов?кы, и всячьскыми доброд?телми исплънени же и украшени, яко же Богъ любит. Не попусти бо Богъ, иже таковому д?тищу въсиати хотящу, да родится от роди?телю неправедну. Но прежде проуготова Богъ и устроилъ таковаа праведна родителя его и потом от нею своего си произведе угодника. О прехвалнаа връсто! О предобраа супруга, иже таковому д?тищу родителя быста! Прежде же подобаше почтити и похвалити родителей его, да от сего яко н?кое приложение похвалы и почьсти ему будеть. Поне же л?по бяше ему от Бога дароватися многым людем на усп?х, на спасение же и на пльзу, и того ради не б? л?по такому д?тищу от неправедных родитися родителей, ни же иным, сир?чь неправедным родителем таковаго не б? л?по родити д?тища. Но токмо т?м един?м от Бога даровася, еже и прилучися: паче и снидеся добро къ добру и лучшее къ лучшему.

И бысть же и чюдо н?кое прежде рожениа его: прилучися н?что сицево, его же не достоитъ млъчанию предати. Еще бо ему въ утроб? матерн? носиму, въ единъ от дний, дневи сущу недели, мати его въниде въ церковь по обычаю, въ время, егда[339] святую по?ют литургию. И стоаще с прочими женами въ притвор?, и внегда хотяху начяти чести святое Еуагелие, людем млъчящим, тогда абие вънезаапу младенецъ начят вопити въ утроб? матерн?, яко же и многым от таковаго проглашениа ужаснутися о пр?славн?м чюдеси, бывающем о младенци сем. Пакы же, егда преже начинания еже п?ти Херувимьскую п?снь, рекше «Иже херувим», тогда внезаапу младенець гласомъ начя велми верещати въ утроб? вторицею паче пръваго, яко и въ всю церковь изыде глас его, яко и самой матери его ужасшися стоати, и сущим женам стоащим ту, и недомыслящимся в себ?, глаголющим: «Что убо будет о младенци сем?» Вънегда же иер?й възгласи: «Вънм?м, святаа святымъ!», тогда пакы младенець третицею велми възопи.

Мати же его мало не паде на землю от многа страха, и трепетом великым одръжима сущи, и ужасшися, нача в себ? плакати. Прочая же в?рныа оны жены приступль?ши к ней, начаша въпрашати ю, глаголюще: «Имаши ли въ пазус? младенца пеленами повита, его же глас младенческый слышахомъ, въ всей церкви верещающе?» Она же в недоум?нии от многа плачя не можаше к ним ни пров?щати, но въмал? отв?ща им: «Пытайте, — рече, — инд?, аз бо не имам». Они же въпрошаша, пытающе промежи собою, и поискавше, и не обр?тоша. Пакы обратишяся к ней, глаголюще: «Мы въ всей церкви поискавше и не обр?тохом младенца. Да кый тъй есть младенець, иже гласомъ проверещавый?» Мати же его, не могущи утаити бываемаго и испытаемаго, отв?ща к ним: «Аз младенца въ пазус? не имам, яко же мните вы, им?ю же въ ютроб?, еще до времени не рожена. Сий провъзъгласилъ есть». Жены же р?ша к ней: «Да како дасться глас преже рожениа младенцу, въ утроб? сущу?» Она же рече: «Аз[340] о сем и сама удивляюся и вся есмь въ страс?, трепещу, не в?дущи бываемаго».

Жены же, въздохнувше и бьюще в перси своа, възвращахуся каяждо на свое м?сто, токмо к себ? глаголющи: «Что убо будет отроча се? И яже о нем воля Господня да будет». Мужие же въ церкви сиа вся слышавши и вид?вши, стоаху з безмолвием ужасни, донде же иер?й святую свръши литургию, и съвлечеся риз своих, и распусти люди. И разидошася кийждо въсвоаси; и бысть страх на вс?х слышащих сиа.

Мариа же, мати его, от дне того, отнеле же бысть знамение таковое и проявление, оттол? убо пребываше до времене рожениа его и младенца въ утроб? носящи яко н?кое съкровище многоц?нное, и яко драгый камень, и яко чюдный бисеръ, и яко съсуд избранъ. И егда в себ? сего носяше и сим непраздн? сущи ей, тогда сама съблюдашеся от всякыя скверны и от всякыя нечистоты, постом огражаася, и всякыя пища тлъстыа ошаявся, и от мяс, и от млека, и рыбъ не ядяше, хл?бом точию, и зелиемъ, и водою питашеся. И от пианьства отинудь въздръжащеся, но вм?сто питиавсякого воду едину точию, и то по оскуду, испиваше. Начаст? же втайн? наедин? съ въздыханиемь и съ сльзами моляшеся къ Богу, глаголя: «Господи! Спаси мя, съблюди мя, убогую си рабу Свою, и сего младенца носимаго въ утрооб? моей спаси и съхрани! Ты бо еси храняй младенца Господь, и воля Твоа да будет, Господи! И буди имя Твое благословено въ в?кы в?комъ. Аминь».

И сице творя, пребываше даже и до самого рождениа его; велми же прилежаше паче всего посту и молитв?, яко и самое то зачатие и рожество полно б? поста и молитвы. Бяше бо и та доброд?телна сущи и з?ло боащися Бога, яко[341] и преже рождениа его ув?давши и разум?вши яже о нем таковое знамение, и проявление, и удивление. И съв?щаша с мужем своимъ, глаголя, яко: «Аще будеть ражаемое мужескъ полъ, об?щаев?ся принести его въ церковь и дати его благодетелю вс?х Богу»; яко же и бысть. Оле в?ры добрыа! О теплоты благы! Яко и преже рожества его об?щастася привести его и вдати благыхъ подателю Богу, яко же древле Анна пророчица, мати Самоиля пророка.

Егда же исплънишяся дние родити ей, и роди младенца своего. И з?ло непечално рожество приимши, родители же его призваста к себ? ужикы своа, и другы, и сус?ди, и възвеселишяся, славяще и благодаряще Бога, давшаго има таковый д?тищь. По рожении же его, внегда и пеленами повито бысть отрочя, нужа всяко бяше еже и к сосцу принести. Да внегда аще случашеся матери его пищу н?кую вкусити еже от мяс, и тою насыщен? быти и полн? утроб? ея, тогда никако же младенець съсцу касашеся. И сие случашеся не единою бывати, но овогда день, овогда два младенцу не напитатися. Иже отинудь о сем ужасъ вкуп? и скръби обдержаще[342] рожешую и сродникы еа. И едва разум?ша, яко не хощет младенецъ еже от мяс питаем? питателниц?его быти т?м млеком напаатися, но точию от поста еи не раздр?шатися. И уже оттол? пища матерня въздръжание и постъ бяше, и оттол? младенецъ повсегда по обычаю питаем бываше.

И исполнишяся дние об?щанию матери его: яко бысть по днехъ шестих седмицъ, еже есть четверодесятный день по рожеств? его, родители же его принесоста мледенець въ церковь Божию, въздающе, яко же и приаста, яко же об?щастася въздати его Богу, давшему его; купно же иерееви повел?вающа, яко да крещениемъ божественым съвръшити и. Иерей же, огласивъ его, и много молитвовавъ над ним, и с радостию духовною и съ тщаниемъ крести его во имя Отца, и Сына, и Святого Духа — Варфолом?я въ святомъ крещении нарекъ того имя. Възвед же его абие от куп?лныа воды крещениа благодать приимши богатно Святого Духа, и провид?въ Духомь божественым, и проразум?, съсуду избранну быти младенцу. Отець же его и матиразум имуща Святого Писаниа не худ?, и та пов?даста иер?ови, како, носим сый въ утроб? матерни, въ церкви трикраты провъгласи: «Что убо будет сие, мы не в?мы». Иер?й же, именем Михаилъ, разсуденъ сый книгам, пов?даше има от божественаго Писаниа, от обою закона, Ветхаго и Новаго, сказа, глаголя: «Давиду въ Псалтыри рекшу, яко: «Несъд?ланное мое вид?ста очи Твои»; и сам Господь святыми Своими усты ученикомъ си рече: «Вы же яко искони съ Мною есте». Тамо, въ Ветхом закон?, Иерем?я пророкъ въ чрев? матерни освятися; зд? же, в Нов?м, Павел апостолъ въпиаше: «Богъ, отець Господа нашего Исуса Христа, възвавый мя из чр?ва матере моеа, явити сына своего въ мн?, да благов?стую въ странах». И ина множайшаа от святыхъ пов?да ема Писаниа. О младенци же рече к родителем: «Не скръбите о сем, но паче радуйтеся и веселитеся, яко будет сосуд избранъ Богу, обитель[343] и служитель Святыа Троица»; еже и бысть. И тако благословивъ отрочя и родителяего, отпусти а в домъ ею.

Потом же по времени, малым минувъшим днемъ, о младенци пакы чюдод?йствовашеся другое н?кое знамение, странно н?что и незнаемо: в среду бо и в пятокъ не приимаше ни от съсцу, ни от мл?ка кравьа, но отинудь ошаатися ему и не съсати, и не ядущу пребывати ему в весь день. Кром? же среды и пятка въ прочаа дни по обычаю питашеся; аще ли будяше въ среду и[344] в пятокъ, то алченъ младенець пребываше. Се же не единою, ни дважды, но и многажды прилучашеся, еже есть по вся среды и пяткы бываше. От сего н?кым мняшеся, яко болно б? д?тище; о сем же убо мати его скръбящи с?товаше. И съ другыми женами, съ прочими кормительницами, расматр?юще б?аше, мняше, яко от н?кыа бол?зни младенцу приключашеся сие бывати. Но обаче обзираху повсюду младенца, яко н?сть болно, и яко не обр?ташеся в нем явленыа или не явленныа знамение бол?зни: ни плакаше, ни стъняще, ни дряхловаше. Но и лице, и сердце, и очи весели, и всячьскыи младенцу радостну сущу, яко и ручицами играше. Тогда вси видящи, и познаша, и разум?ша, яко не бол?зни ради в пятокъ и в среду младенецъ млека не приимаше, но проявление н?кое прознаменашеся, яко благодать Божиа б? на нем. Еже проявляше будущаго въздръжаниа образ, яко н?когда въ грядущая времена и л?та въ постъномъ житии просиати ему; еже и бысть.

Другойци же мати его привожаше к нему жену н?кую доилицу имущу мл?ко, дабы его напитала. Младенець же не рачи приати никако же от чюждиа матери питатися, но точию от своеа си родителница. И сие вид?вше, прихождаху к нему и другиа жены, таци же и доилици, т?мъ подобъно тако же творити, яко же и пръвие. И тако пребысть своею токмо питаем материю, донде же и отдоенъ бысть. Сеже сматряют н?ции, яко и се знамение бысть, яко дабы добра корене добраа л?торасль нескверным млеком въспитанъ бывъ.

Нам же мнится сице быти: яко сий младенець измлада бысть Господеви рачитель, иже в самой утроб? и от утробы матерня къ богоразумию прил?пися, иже от сам?х пеленъ Бога познал и въправду уразум?лъ, иже въ пеленах сый в самой колыб?ли пощению навыкаше; иже от матери млеком питаем сый вкуп? с плотным млеком въздръжанию учашеся; иже по естеству младенець сый, но выше естества постъ начинаше; иже въ младенц? чистотный бысть въскръмленикъ; иже благочестиемъ паче, нежели млеком въспитанъ бысть; иже преже рожениа его избранъ Богомъ и пронареченъ, егда въ утроб? матерьн? носим, трикраты въ церкви провъзъгласи, иже слышащаа удивляет.

Дивити же ся паче сему подобает, како младенець въ утроб? не провереща кром? церкви, без народа, или инд?, втайн?, наедин?, но токмо при народ?, яко да мнози будут слышателие и св?детели сему истиньству. И пакы, како не помалу провъзгласи, но въ всю церковь, яко да въ всю землю изыдеть слово о нем; и[345] егда сущей родителнице его или на пиру, или въ нощи спяще, но въ церкви, паче же и на молитв?—да молитвъникъ кр?покъ будет къ Богу. И како не провереща н? в коей хл?вин? или не в чист? м?ст? н?коем и ненарочит?, но паче въ церкви, стоащи на м?ст? чист?, на м?ст? свят?, ид? же подобает святыню Господню съвръшити — яко да обрящется съвръшенаа святыня Господня въ страс? Божии.

Пакы ему достоить чюдитися, что ради не провъзгласи единицею или дважды, но паче третицею, яко да явится ученикъ Святыа Троица, поне же убо тричисленое число паче ин?х прочих числъ болши есть з?ло чтомо. Везд? бо троечисленое число все?му добру начало и вина възв?щению, яко же се глаголю: трижды Господь Самоила пророка възва; трею камению пращею Давидъ Голиада порази; трижды повел? възливати воду Илиа на пол?на, рекъ: «Утройте», — утроиша; трижды тожде Илиа дуну на отрочища и въскреси его; три дни и три нощи Иона пророкъ в кит? тридневнова; трие отроци в Вавилон? пещь огньную угасиша; тричисленое же слышание Исаию пророку серафимовидцу, егда на небеси слышашеся ему п?ние аггельское, трисвятое въпиющих: «Святъ, святъ, святъ Господь Саваофъ!» Трею же л?т въведена бысть въ церковь Святаа Святыхъ пречистаа дева Мариа; тридесяти же л?т Христос крестися от Иоанна въ Иердан?; три же ученикы Христос постави на Фавор? и преобразися пр?д ними; тридневно же Христосъ из мрътвых въскресе; трикраты же Христос по въскресении рече: «Петре, любиши ли Мя?» Что же изв?щаю по три числа, а что ради не помяну болшагои страшнаго, еже есть тричисленое Божество: треми святынями, треми образы, треми събьствы, въ три лица едино Божество Пресвятыа Троица, Отца, и Сына, и Святого Духа; триупостаснаго Божества, едина сила, едина власть, едино господьство? Л?по же бяше и сему младенцу трижды провъзгласити, въ утроб? матерн? сущу, преже рожениа, прознаменуа от сего, яко будет н?когда троичный ученикъ, еже и бысть, и многы приведет в разумъ и въ ув?д?ние Божие, уча словесныа овца в?ровати въ Святую Троицу единосущную, въ едино Божество.

Воле, не указание ли се будет яв?, яже о том посл?ди будущаа дивна и странна! Воле, не знамение ли се есть истовое, да покажется, яже о нем да збудет ся д?лесы чюдесными напосл?док! Подобает бо вид?вшим и слышавшим перваа и в?ровати посл?дним. Яко и преже рожениа его Богъ прознаменалъ есть его: не просто бо, ни бездобь таковое знамение и удивление бывше?е преднее, но предпутие есть посл?ди будущим. Се же понудихомся рещи, елма же чюдна мужа чюдно и житие пов?дается.

Л?по же зд? помянути и древних святых, иже въ Ветхом и Нов?м закон? въсиавших; и многыхъ бо святыхъ зачатье и рожество откровениемъ божественым н?како откровено бысть. Мы бо не от себе износим слово, но от святыхъ възимающи писаний словеса и къ предлежащей пов?сти пов?сть приуподобляюще въспоминаниемь сице: и поне же Иерем?ю пророка Богъ въ чрев? матерни освяти, и прежде рожениа его пров?дый, яко провидець Богъ, яко быти ему приателищу Святого Духа, наполняет сего абие благодати от юностна възраста. Исаия же пророкъ рече: «Глаголеть Господь, възвавый мя из утробы, и ис чрева матере моеа избравъ, пронарече мя». Святый же великый Иоаннъ пророкъ Предтечя еще сый въ утроб? матерни позна Господа, носимаго въ ложесн?х Пречистыа приснодевы Мариа; и възыграся младе?нець радощами въ чрев? матери своеа Елисафи, и тоа устнами пророчьствова. И възъпи тогда, глаголя: «Откуду се мн?, да прииде мати Господа моего къ мн??». Святый же славный пророкъ Илия Фезвитянинъ, егда роди его мати его, тогда родители его вид?ша вид?ние, яко мужие благокрасни и б?лообразни нарицахут имя ему, и огнеными пеленами повиваху его, и пламы огненыи дааху ему ясти. Отець же его, шед въ Иерусалимъ, възв?сти сиа архиереом. Они же р?ша ему: «Не бойся, челов?че! Будет бо д?тища сего житие св?т и слово судъ, и тъй судит Израилю оружиемъ и огнемъ»; еже и бысть.

Святый Николае чюдотворець, егда родися и начаша омывати его, вънезаапу въста младенець на ногу свою и стоаше простъ в ночвах полтора часа. Святый же преподобный отецъ нашъ Ефр?м Сиринъ, егда б? родися младенецъ, родителие его вид?ние вид?ста: виноград на языц? его насаженъ, и възрасте, и исплъни всю землю, и прихо?жаху птица небесныа и ядяху от плода его. Виноград же проявляше хотящий разум податися ему. Преподобный Алимпий Столпникъ, преже рожества его мати его вид? сонъ таковый, яко ношаше на руку своею агнецъ красенъ, имущъ на рогу своею св?ща. И от того разум?, яко хощет родитися отрочя и будет добронравно; яко же и бысть. Иже въ святыихъ отець нашъ преподобный Симеонъ Стлъпник, иже на Дивн?й гор? чюдотворець, зачят б? от об?щания, Предтечи Крестителю матери его възв?стившу. И рожься, въегда доену ему быти, небр?жаше л?ваго съсца. Богу проявившу о сем, яко десный путь запов?ди Господня възлюбити ему. Святый Феодоръ Сикеотъ чюдотворець, егда б? въ утроб? матерн? младенецъ, мати его вид?ние вид?: зв?зда съ небесъ сшед, паде на утробу еа. Се же зв?зда проявляше всяку доброд?тель отрочати. Пишет въ житии Великаго Еуфимиа, яко преже рожениа его, въ едину бо от нощей, молящимасяродителема его в нощи един?ма, н?кое Божие явление явися има, глаголя: «Т?шитася и ут?шитася! Се бо дарова вама Богъ отрока т?шениа тяклоименита, яко въ родств? его т?шение дарова Богъ своим церквам». И пакы въ житии Феодора Едесскаго писано есть, яко родители его Симеонъ и Мариа молитвою просиста себ? д?тища сына. Въ единъ от дний, въ пръвую суботу Великаго поста, въ церкви молящимася има, сладко н?кое вид?ние предста има, особь комуждо ихъ явлься: мняста бо ся вид?ти великаго мученика Феодора Тирона купно с Павлом апостоломъ стоаща и глаголюща: «Въистину даръ Божий будеть ражаемый отрокъ, еже есть Феодоръ»; еже и бысть. Пишет же въ житии святого отца нашего Петра митрополита, новаго чюдотворца иже в Руси, яко прилучися н?что сицево знамение. И прежде рожениа его, еще сущу ему въ утроб? матерн?, въ едину от нощей, свитающи дневи недели, вид? вид?ниетаково мати его: мняше бо ся[346] ей агньца дръжати на руку своею; поср?ди же рогу его древо благолиствено израстъше, и многыми цв?ты же и плоды обложено, и поср?ди в?твий его мъногы св?тяща[347] св?ща. И възбудившися, недоум?ашеся, что се, или что събытие и конецъ таковому вид?нию. Обаче аще она и не домышъляашеся, но конецъ сбытию посл?ди съ удивлениемъ яви, еликыми дарьми угодника Своего Богъ обогати.

И что подобает инаа прочаа глаголати и длъготою слова послушателем слухы л?нивы творити? Сытость бо и длъгота слова ратникъ есть слуху, яко же и преумноженаа пища телесем. И никто же да не зазрит ми грубости моей[348], яко о сем продлъжившу ми слово: и еже от прочихъ святых от житиа ихъ въспоминая, и приводя свид?тельства на изв?щение, и приуподобляа, къ подлежащей пов?сти чюднаго сего мужа чюдны и вещи сказаются. Чюдо новослышащеся, еже въ утроб? зачало провъзглашениа его. Чюдно же въ младенц?х въ пеленах въспитание его — не худо бо знамение сие мняшеся быти. Тако бо подобаше съ чюдесем родитися таковому отроку, яко да от сего познають прочии челов?ци, яко такова чюдна мужа чюдно и зачатие, и рожество, и въспит?ние. Таковою благодатию Господь удиви его, паче прочих младенцевъ новоражающихся, и тац?ми знаменми проявляше о немь премудрое Божие промышъление.

Хощу же сказати времена и л?та, въ ня же преподобный родися: в л?та благочестиваго преславнаго дръжавнаго царя Андроника, самодръжьца гречьскаго, иже въ Цариград? царствовавшаго, при архиепископ? Коньстянтина града Калист?, патриарс? вселеньскомъ, въ земли же Русст?й въ княжение великое тферьское при великом князе[349] Димитрии Михайловиче, при архиепископ? пресвященн?м Петре, митрополит? всеа Руси, егда рать Ахмулова.

Младенець же прежереченный, о нем же слово изначала приходить, б? убо по святомь крещении преиде н?колико время м?сяцей, егда и отдоенъ бысть закономъ естества, и от съсцу отъемлеться, и от пеленъ разр?шается, и от колыб?ли свобожается. И тако абие отроча растяше прочее время, по обычаю телеснаго възраста, преусп?ваа душею, и т?лом, и духом, и исплъняася разума и страха Божия, и милость Божиа[350] б? на нем; донде же достиже до седмаго л?та възрастом, въ егда родителие его въдаша его грамот? учити.

Прежереченный рабъ Божий Кирилъ им?аше три сыны: пръваго Стефана, втораго же сего Варфолом?а, третиаго же Петра; их же въспита съ всякым наказаниемъ въ благочестии и чистот?. Стефану же и Петру сп?шно изучившу грамоту, сему же отроку не скоро выкнущу писанию, но медлено н?како и не прил?жно. Учитель же его съ многым прилежаниемъ учяше его, но отрокъ не внимаше и не ум?яше, не точенъ бысть дружин?своей, учящимся с ним. О сем убо много браним бываше от родителю своею, бол? же от учителя томим, а от дружины[351] укаряем. Отрокъ же вътайн? чясто съ сльзами моляшеся Богу, глаголя: «Господи! Ты дай же ми грамоту сию, Ты научи мя и вразуми мя».

Яко от Бога дасться ему книжный разум, а не от челов?къ

Посем убо не мала печаль бяше родителема его; не малу же тщету вм?няше себ? учитель его. Вси же си печаляхуся, не в?дуще яже о нем вышняго строениа Божиа промысла, яже хощет Богъ сотворити на отрочати семь, яко не оставит Господь преподобнаго Своего. Се же бяше по смотрению Божию быти сему, яко да от Бога книжное учение будет ему, а не от челов?къ; еже и бысть. Скажем же и сие, яко от Божиа откровениа ум?ти ему грамоту.

Въ единъ убо от дний отець его посла его на възыскание клюсят. Се же все бысть всемудраго Бога судьбами, яко же Пръвыя Царьскиа Книгы изв?щают о Саул?, иже посланъ бяше отцомъ своим Киссом на възыскание ослят; он же шед обр?те святого пророка Са?моила, от него же помазанъ бысть на царство, и выше д?ла под?лие приобр?те. Сице и блаженый отрокъ выше д?ла под?лие обр?те; послан бо бысть[352] отцомь своим Кирилом на възыскание скота, обр?те етера черноризца, старца свята, странна и незнаема, саном прозвитера, святол?пна и анъгиловидно, на пол? под дубом стоаща и молитву прил?жно съ сльзами творяща. Отрокъ же, вид?въ, преже сътвори смирено метание ему, таче приближися и ста близ его, ожидаа коньца молитв?.

И яко преста старецъ и възр?въ на отрока, и прозр? внутренима очима, яко хощет быти съсуд избранъ[353] Святому Духу. И пригласивъ, призва и к себ?, и благослови его, и о Христ? целование дастъ ему, и въпроси его, глаголя: «Да что ищеши, или что хощеши, чядо?» Отрокъ же рече: «Възълюби душа моа[354] въжел?ти паче всего ум?ти грамоту сию, еже и вданъ бых учитися, и нын? з?ло прискръбна[355] есть душа моя[356], поне же учюся грамот? и не ум?ю. Ты же, отче святый, помолися за мя къБогу, яко да бых ум?лъ грамоту».

Старецъ же, възд?въ руц? купно же[357] и очи на небо и въздохнувъ къ Богу, и сътворь молитву прил?жну и по молитв? рече: «Аминь».[358] И иземъ от чпага своего акы н?кое съкровище, и оттуду треми пръсты подастъ ему н?что образом акы анафору, вид?ниемъ акы малъ кусъ б?ла хл?ба пшенична, еже от святыа просфиры, рекъ ему: «Зини усты своими, чадо, и развръзи я. Приими сие и сн?жь, се теб? дается знамение благодати Божиа и разума Святого Писаниа. Аще бо и мало видиться даемое, но велика сладость вкушениа его». Отрокъ же овръзъ уста своа и сн?сть сие; и бысть сладость въ уст?х его, акы мед сладяй. И рече: «Не се ли есть реченное: «Коль сладка гортани моему словеса твоя! Паче меда устом моим»; и душа моя възлюби а з?ло». И рече ему старецъ: «В?руеши ли, и болша сих узриши. И о грамот?, чадо, не скръби: в?дый буди изв?ст[н]о[359], яко от сего дне дарует ти Господь грамот? ум?ти з?ло добр?, паче братиа твоеа и паче свръстникътвоих». И поучи его о плъз? души.

Отрокъ же сътвори поклонение старцу и акы земля плодовитаа и доброплоднаа, с?мена приемши въ сердци си, стояше, радуася душею и сердцемь, яко сподобися такова свята старца обр?сти. Старецъ же тщашеся отъити в путь свой; отрокъ же пом?ташеся на земли лицем пр?д ногама старчима и съ сльзами моляше старца, дабы обиталъ въ дому родителей его, глаголя: «Родители мои з?ло любят таковыа, яко же ты, отче». Старецъ же удивлься в?р? его, потщався въниде въ дом родителей его.

Они же, узр?вше его, и изыдоша въ ср?тение ему и поклонистася ему. Старецъ же благослови я; они же готовяху трапезу поставити пр?д ним. Старець же не преже брашна вкуси, но преже въниде въ храм молитвеный, еже есть въ чясовницу, поим с собою освященнаго въ утроб? отрока. И начат «Чясы» п?ти, повел? же сему отроку псаломъ глаголати. Отрокъ же рече: «Аз не ум?ю того, отче». Старець же рече: «Р?х ти, яко от сего дне дарует ти Господь ум?ти грамоту. Ты же глаголи слово Божие без сумн?ниа». Тогда бысть сицево удивление: отрокъ приимъ благословение от старца, начат стихословити з?ло добр? и стройн?; и от того часа гораздъ бысть з?ло грамот?. И сбысться пророчьство премудраго пророка Иеремиа, глаголюща: «Тако глаголеть Господь: «Се дахъ словеса Моа въ уста твоя». Родители же его и братиа его се вид?вше и слышавше, удивишася скорому его разуму и мудрости и прославиша Бога, давшаго ему такову благодать.

И изведше съ старцем, поставиша пр?д ним брашно. Старець же вкуси брашна, благослови родители его и хотяше отъити. Родители же его моляхуся старцу, въпрашающе его и глаголюще: «Отче господине! Пожди еще, да въпрашаем тя, да разр?шиши и ут?шиши нищету нашу и печаль нашу. Сие смиреное отрочя наше, его же благословяеши и хвалословиши, о нем же многа блага пр?дглаголеши. Но мы о нем въ удивлении есмы, и печаль о немъз?ло жасит ны, поне же вещь о нем сътворися страшна, странна и незнаема — сицево: еще ему сущу въ утроб? матерьн?, за н?колико время рождениа его, трижды провереща въ утроб? матерн?[360], въ церкви сущи, при народ?, въ вр?мя, егда святую поють литоргию. Иньд? же нигд? же сицева вещь ни же слышашеся, ни же вид?шеся и мы о сем страшимся, недомыслящеся, что си будет конецъ сему, или что напреди сбытися имать».

Старец же святый проразум? и позна духомъ будущее и рече има: «О блаженаа връсто! О предобраа супруга, иже таковому д?тищу родители быста! Въскую устрашистеся страхом, ид? же не б? страха. Но паче радуйтеся и веселитеся, яко сподобистася таковый д?тищъ родити, его же Богъ избра и преже рождениа его, его же Богъ прознамена еще суща въ утроб? матерн?. И уже конечную бес?ду реку и потом препокою слово: се вам буди знамение моих словес сбытие, яко по моем ошествии узрите отрока добр? ум?ющавсю грамоту и вся прочаа разум?вающа святыа книгы. Второе же знамение вам и изв?щение, — яко отроча се будет великъ пред Богомъ и челов?кы, житиа ради доброд?телнаго». И сиа рекъ старецъ отъиде, назнаменавъ темн? глаголъ к нимъ, яко: «Сынъ ваю имать быти обитель Святыя Троица и многы приведет въсл?д себ? на разум божественых запов?дей». И сиа рекъ, изиде от них. Они же проважахуть его пред врата домовнаа; он же от них вънезапу невидим бысть.

Они же, недоум?вающеся, помышляаху, яко аггелъ посланъ бысть даровати отроку ум?ние грамот?. Отецъ же его и мати, въземше от старца благословение и словеса его положиша на сердци своем, възвратистася въ дом свой. По ошествии же старца оного обр?теся отрокъ вънезаапу всю грамоту оттуду добр? ум?а, прем?нися страннымъ образом: и куюждо разгнет книгу, ту абие добр? чтый, да разум?ет. Добрый си отрокъ достоинъ бысть даровь духовных, иже от сам?х пеленъ Бога позна, и Бога възлюби, и Богомъ спасенъ бысть. Пребываше въ всем повинуася родителема своима: тщаше бо ся повел?ниа ею съвръшити и ни въ чем же преслушатися ею, яко же и Святое глаголеть[361] Писание: «Чти отца своего и матерь, да будеши длъгол?тенъ на земли».

От уныа връсты[362]

Еще же иное д?ло скажем сего блаженнаго отрока, еже въ млад? телесе старъ смыслъ показа. По л?т?х же н?колиц?х жестокъ постъ показа и от [в]сего въздръжание им?аше, въ среду же и в пятокъ ничто же не ?дяше, въ прочаа же дни хл?бом питашеся и водою; в нощи же многажды[363] без сна пребываше на молитв?. И тако вселися во нь благодать Святого Духа.

Мати же его матерними си глаголы ув?щевааше его глаголющи: «Чядо! Не съкруши си плоти от многаго възд?ржаниа, да не въ язю въпаднеши, паче же младу ти еще сущу, плоти растущи и цв?тущи. Никто же бо тако младъ сый, въ ту връсту твою[364] таковому жестоку посту касается; никтоже от братиа твоеа и от свръстникъ твоих сицево стяжа въздръжание, яко же ты. Суть бо н?ции, иже и до седмижды днем ядят, иже от утра з?ло рано начинающе и длъго нощи окончевающи, пьюще бесчисмени. Ты же, овогда единою днемъ яси, овогда же ни единою, но чресъ день. Престани, чядо, от таковыа продлъженыа л?чбы, н?си досп?лъ в сие прясло, не б? бо ти еще время. Все бо добро, но въ свое время». Предобрый же отрокъ[365] отв?щеваше ей, купно же и моляше ю, глаголя: «Не д?й мене, мати моа, да не по нужи преслушаюся теб?, но остави мя тако пребывати. Не вы ли глаголаста ми, яко «егда былъ еси в пеленах и в колыб?ли, тогда — рече, — въ всякую среду и въ пяток млека не ядущу ти». Да то слыша аз, како могу елика сила не въспрянути къ Богу, да мя избавит от гр?хъ моих?».

К сим же отв?ща мати его, глаголющи[366]. «И двою на десять не имаши л?т, гр?хи поминаеши. Кыа же имаши гр?хы? Невидим бо на теб? знамений гр?ховных, но вид?хом на теб? знамение благодати и благочестиа, яко благую чясть избралъ еси, яже не отъиметься от теб?». Отрокъ же рече: «Престани[367], мати моа, что глаголеши? Се бо ты сиа глаголеши яко мати сущаа, яко чадолюбица, яко мати о чад?х веселящися, естественою любовию одръжима. Но слыши Святое глаголеть Писание: «Никто же да не похвалится въ челов?ц?хъ, никто же чистъ пред Богомъ, аще и единъ день живота его будет; никто же есть без гр?ха, токмо единъ Богъ без гр?ха». Н?си ли божественаго слышала Давида, мню, яко о нашей худости глаголюща: «Се бо въ безаконии зачат есмь, и въ гр?с?х роди мя мати моа».

И то рекъ, пакы по пръвое дръжашеся доброе устроение, Богу помагающу ему на благое произволение. Сий предобрый и вседоблий отрокъ не по колиц?хъ времен?х пребываше в дому родителей своих, възрастаа и преусп?ваа въ страх Божий: къ д?тем играющим не исхожаше и к ним не приставаше; ижевъ пустошь текущим и въсуе тружающимся не вънимаше; иже суть сквернословци и см?хотворци, с т?ми отнудь не водворяшеся. Но разв? токмо упражняшеся на славословие Божие и в том наслажашеся, къ церкви Божии прил?жно пристоаше, на заутренюю, и на литургию, и на вечерню всегда исхождааше и святыа книгы часто почитающе.

И въ всемъ всегда труждааше т?ло свое, и иссушаа плоть свою, и чистоту душевную и телесную бе[с] скверны съблюдаше, и часто на м?ст? тайн? наедин? съ сльзами моляшеся къ Богу, глаголя: «Господи! Аще тако есть, яко же пов?даста ми родителие мои, яко и преже рожениа моего Твоа благодать и Твое избрание и знамение бысть на мн?, убоз?м, воля Твоа да будет, Господи! Буди, Господи, милость Твоа на мн?! Но дай же ми, Господи! Измлада вс?м сердцемъ и всею душею моею[368], яко от утробы матере моеа къ Теб? привръженъ есмь, из ложеснъ, от съсцу[369] матере моеа — Богъ мой еси Ты. Яко егда сущу ми въ утроб? матерни, тогда благодать Твоа пос?тила мя есть, и нын? не остави мене, Господи, яко отець мой и мати моа оставляют мя. Ты же, Господи, приими мя, и присвой мя к Себ?, и причти мя къ избранному Ти стаду: яко Теб? оставленъ есмь нищий. И из младеньства избави мя, Господи, от всякыя нечистоты и от всякыа скверны плотекия и душевныа. И творити святыню въ страс? Твоем сподоби мя, Господи. Сердце мое да възвыситься к Теб?, Господи, и вся сладкаа мира сего да не усладят мене, и вся краснаа житейскаа да не прикоснутся мн?. Но да прилпе душа моа въсл?д Тебе, мене же да прииметь десница Твоя. И ничто же да не усладит ми мирьскых красот на слабость, и не буди ми нимала же порадоватися радостию мира сего. Но исплъни мя, Господи, радости духовныа, радости неизреченныа, сладости божественыа и духъ Твой благый наставит мя на землю праву». Старци же и прочии люди, вид?вши таковое пребывание уноши, дивля?хуся, глаголющи: «Что убо будет уноша съй, иже селику дару доброд?тели сподобил его Богъ от д?тьства?».

До зд? же убо списашася сиа вся, елика съд?ашася, ид? же б? прежде жилъ Кирилъ н? въ коей веси[370] области оноя, иже б? въ пред?л?х Ростовьскаго княжениа, не з?ло близ града Ростова. Хощет же слово сказати акы н?кое преселение: пресели бо ся Кирилъ от Ростова въ Радон?жь. Како же или что ради преселися, аще бо и много имам глаголати, но обаче нужа ми бысть о сем писати.

О преселение родитель святаго

Сей убо прежереченный рабъ Божий Кирилъ преже им?аше житие велико в Ростовьст?й области, боляринъ сый, единъ от славных и нарочитыхъ боляръ, богатством многым изобилуя, но напосл?д на старость обнища и оскуд?. Како же и что ради обнища, да скажем и се: яко частыми хоженьми еже съ княземъ въ Орду, частыми ратми татарьскыми еже на Русь, чястыми послы татарьскыми, чясты?ми тяшъкыми данми и выходы еже въ Орду, чястыми глады хл?бными. Надо вс?ми же сими и паче[371] егда бысть великаа рать татарьскаа, глаголемаа Федорчюкова Туралыкова, егда по ней за год единъ наста насилование[372], сир?чь княжение великое досталося князю великому Ивану Даниловичю, купно же и досталося княжение ростовьское к Москв?. Увы, увы, и тогда граду Ростову, паче же и князем ихъ, яко отъася от нихъ власть, и княжение, и им?ние, и честь, и слава, и вся прочаа потягну къ Москв?.

Егда изиде по великого князя [вел?нию] и посланъ бысть от Москвы на Ростовъ акы н?кый воевода единъ от велможъ, именем Василий, прозвище Кочева, и с нимъ Мина. И егда вънидоста въ град Ростовъ, тогда възложиста велику нужу на градъ да и на вся живущаа в нем, и гонение много умножися. И не мало их от ростовецъ москвичем им?ниа своя с нуждею отдаваху, а сами противутого раны на телеси своем съ укоризною възимающе и тщима рукама отхождаху. Иже посл?дняго б?деньства образ, яко не токмо им?ниа обнажени быша, но и раны на плоти своей подъяша, и язвы жалостно на себ? носиша и претръп?ша. И что подобаеть много глаголати? Толико дръзновение над Ростовом съд?яша, яко и самого того епарха градскаго, стар?йшаго болярина ростовьскаго, именем Аверкиа, стремглавъ об?сиша, и възложиша на ня руц? свои, и оставиша поругана. И бысть страх великъ на вс?х слышащих и видящих сия, не токмо въ град? Ростов?, но и въ вс?х пред?л?х его.

И таковыя ради нужа рабъ Божий Кирилъ въздвижеся из веси оноя предиреченныа Ростовьскыя; и събрася съ вс?м домом своим, и съ вс?м родом своим въздвижеся, и преселися от Ростова въ Радон?жь. И пришел, приселися близ церкви, нареченныа въ имя святого Рожества Христова, еже и донын? стоить церковь та. И ту жи?вяше с родом своим. Не един же сий, но с ним и инии мнози преселишася от Ростова в Радонежъ. И быша преселници на земли чюждей, от них же есть Георгий, сынъ протопоповъ, с родом си, Иоаннъ, Феодоръ, Тормосовъ родъ, Дюдень, зять его, с родом си, Онисим, дядя его, иже посл?ди бысть диаконъ. Онисима же глаголют с Протасием тысяцкым пришедша [въ] тую же весь, глаголемую Радон?жь, ю же даде князь великы сынови своему м?зиному князю Андр?ю. А нам?стника постави въ ней Терентиа Ртища, и лготу люд ем многу дарова, и ослабу об?щася тако же велику дати. Ея же ради льготы събрашяся мнози, яко же и Ростовьскыа ради нужа и злобы разб?гошяся мнози.