Ектения Завещания и Апостольских Постановлений
Ектения Завещания и Апостольских Постановлений
Но в прямой генетической зависимости наши ектении стоят к диаконским молитвам на литургиях сирско-антиохийской и иерусалимской редакции. Первые даются канонико-литургическими памятниками III в. «Завещание Господа нашего Иисуса Христа» и IV–V в. «Постановления Апостольские» (см. о них Вступит. гл., с. 70 и д.). Там и здесь такая диаконская молитва положена по удалении оглашенных; во втором памятнике она повторяется и по освящении Даров (отсутствие цифры во втором столбце означает, что прошение находится в ектении по освящении Даров).
Завещание
1. Помолимся Господу Богу и Спасителю нашему Иисусу Христу.
2. О мире иже с неба помолимся, да Господь Своим милосердием нас умиротворит.
3. О вере нашей помолимся, да подаст нам Господь до конца веру юже в Него верно соблюсти.
4. О согласии и единомыслии помолимся, да Господь во единомыслии духи наши сохранит.
5. О терпении помолимся, да Господь во всех напастех подаст терпение до конца.
{с. 521}
6. О апостолех помолимся, да Господь даст нам ему угодити, якоже и оные ему угодиша, и достойны нас соделает их наследия.
7. О св. пророцех помолимся, да Господь нас с ними сопричтет.
8. О св. исповедницех помолимся, да Господь Бог даст нам тою же мыслию якоже они скончати (житие).
9. О епископе помолимся, да Господь наш его долговечна в вере сохранит, яко да правя право слово истины, предстоит Церкви в чистоте и без порока.
10. О пресвитерех помолимся, да Господь не отнимет от них пресвитерства духа и им усердие и благочестие до конца дарует.
11. О диаконех помолимся, да Господь им подаст течение совершенно тещи, святыню совершити и помянет труд и любовь их.
12. О пресвитериссех помолимся, да Господь услышит их моление и совершение во благодати Духа сохранит их сердца и поможет их труду.
13. О иподиаконех, чтецех и диакониссех помолимся, да Господь даст им мзду прияти в терпении.
14. О верных мирских помолимся, да Господь даст им веру совершение соблюсти.
{с. 522}
15. О оглашенных помолимся, да Господь даст им достойным быти бани оставления и освятит их знамением святыни.
16. О царстве помолимся, да Господь ему мир подаст.
17. О властех предержащих помолимся, да Господь даст им разум и страх Свой.
18. О всем мире помолимся, да Господь коемуждо промыслит, подая единому коемуждо яже полезна.
19. О плавающих и путешествующих помолимся, да Господь их направит десницею милосердия.
20. О тех, иже гонения терпят, помолимся, да Господь даст им терпение и ведение, и им дарует труд совершенный.
21. О усопших, иже от Церкви преидоша, помолимся, да Господь им место упокоения дарует.
{с. 523}
22. О тех иже в падении помолимся, да Господь неразумии их не помянет и от них прещения отвратит.
23. Нас такожде всех, иже требуем молитв, помолимся, да Господь покрыет, соблюдет же нас в дусе кротце
24. Помолимся, умолим Господа, да примет наша молитвы.
25. Востанем в Духе Святе, да ктому мудры соделавшеся, в Его благодати возрастем, внегда во имени Его прославитися и на основании апостолов созидатися, и молящеся умолим Господа, да милостиво приимет моления наша [268].
{с. 520}
Постановления Апостольские
1. Помолимся Богу Христом Его, вси согласно Богу Христом Его помолимся.
2. О мире и благостоянии мира и Святых Церквей помолимся, да даст нам Бог всяческих престанный и неотъемлемый мир Свой, да в полноте яже по благочестию добродетели пребывающих ны соблюдет.
{с. 521}
3. О Св. Соборней и Апостольстей Церкви яже от конец до конец помолимся, яко да сохранит ю Господь непоколебиму и неволнуему и соблюдет до скончания века основану на камени.
4. И о зде сущей св. области помолимся, яко да сподобит нас Господь всяческих неослабно преследовати пренебесное Его упование и непрестанный воздаяти Ему долг моления.
Св. мучеников помянем, яко да причастницы быти подвига их сподобимся.
5. О всяком епископстве, еже под небесем, право правящих слово Твоея истины, помолимся, и о епископе нашем Иакове и областех его помолимся, о епископе нашем Клименте и областех его помолимся, о епископе нашем Еводии и областех его помолимся, яко да дарует их щедрот Бог Св. Своим Церквам здравы, честны, долгоденствующия, и подаст им честную старость во благочестии и правде.
6. И о пресвитерех наших помолимся, да свободит их Господь от всякаго безместнаго и лукаваго дела и подаст им пресвитерство здраво и честно.
7. О всем во Христе диаконстве и служении (?????????) помолимся, да подаст им Господь служение непорочно.
8. О чтецех, певцех, девственницех, вдовицех же и сирых помолимся, о иже в супружествах и чадородиих помолимся, да помилует всех их Господь.
9. О евнухах преподобно ходящих помолимся.
10. О иже в воздержании и благоговении помолимся.
11. О плодоносящих во св. церкви и творящих нищим милостыни помолимся, и о {с. 522} приносящих жертвы и начатки Господу Богу нашему помолимся, да воздаст им Всеблагий Бог небесными Своими дары и даст им в нынешнем сторицею, в будущем же живот вечный, и дарует им вместо временных вечная, вместо земных небесная.
12. О новопросвещенных братиях наших помолимся, яко да утвердит их Господь и укрепит.
О царех и иже в превосходстве (???????) помолимся, да мирствуют яже к нам, яко да тихое и безмолвное житие имуще поживем во всяком благочестии и чистоте.
О благорастворении воздухов и созрении плодов помолимся.
13. О иже в немощи обретающихся братиях наших помолимся, да свободит их Господь от всякия болезни.
14. О плавающих и путешествующих помолимся.
15. О иже в рудах и заточениих и в темницех и узех сущих имене ради Господня.
16. О иже в горькой работе (???????) труждающихся помолимся.
17. О вразех и ненавидящих нас помолимся, о гонящих нас имени ради Господня помолимся, да, укротив яростное их, разсеет Господь иже на ны гнев их.
18. О вне сущих и заблудших помолимся, да обратит их Господь.
19. Младенцев Церкви помянем, да Господь, свершив их во страсе Своем, приведет их в меру возраста.
О иже в вере почивших помолимся.
{с. 523}
20. Друг о друге помолимся, да соблюдет и сохранит ны Господь благодатию Своею в конец и свободит нас от лукаваго и от всех соблазн делающих беззаконие и упасет в Пренебесное Царствие Свое.
21. О всякой душе христианстей помолимся.
22. Спаси и возстави нас Боже милостию Твоею.
23. Востанем [269]. Помолившеся прилежно, сами себе и друг друга Живому Богу Христом Его предадим [270].
На каждое прошение хор и народ, по Апостольским Постановлениям, отвечает «Господи помилуй» [271].