Молитвы Божией Матери перед Её иконой «Неупиваемая чаша»

О Премилосердная Владычица, к Твоему заступничеству ныне прибегаем, молений наших не презри, но милостиво услышь нас, жён, детей, матерей, и тяжким недугом пьянства одержимых, и того ради от Матери своей, Церкви Христовой и спасения отпадающих, братии и сестёр, и родных наших исцели.

О, милостивая Матерь Божия, коснись сердец их и скоро восставь от падений греховных, ко спасительному удержанию приведи их, умоли Сына Твоего, Христа, Бога Нашего, да простит нам согрешения наши, и не отвергнет милости Своей от людей своих, но да укрепит нас в трезвости и целомудрии.

Прими, Пресвятая Богородица, молитвы матерей о чадах своих, слёзы проливающих жён, о мужьях рыдающих, детей сирот и убогих, заблудших оставленных и всех нас к иконе Твоей припадающих и да придёт Сей вопль наш молитвами Твоими ко Престолу Всевышнего.

Покрой и соблюди нас от лукавого повеления и всех козней вражьих, в страшней час исхода нашего помоги пройти непреткновенно воздушные мытарства, молитвами Твоими избавь нас от вечного осуждения, да покроет нас милость Божия в нескончаемые веки веков. Аминь.