Молитвы

О преподобная княгиня Евфросиния, добрая в жёнах подвижница, прехвальная угодница Христова! Прими моление о нас, недостойных, с верою и любовью к тебе припадающих, и тёплым к Богу ходатайством испроси городу Москве и людям от бед и напастей сохранение, споспешествуй, как чадолюбивая мать, чадам, тобою собранным, понести иго Христово в благодушии и терпении и добре подвизаться к исправлению жизни своей, всё к спасению; в мире благочестно живущим испроси у Господа в вере твёрдость, в благочестии преуспевание и всем, с верою прибегающим к тебе и твоей просящим помощи и заступничества, подавай всегда недугов исцеление, в скорбях утешение и во всей жизни благопоспешение, более же умоли Господа в мире и покаянии земную жизнь пройти нам, мытарств горьких и мук вечных избавиться и Царство Небесное твоим ходатайством получить, где ты со всеми святыми Господу предстоишь, да всегда славим Отца и Сына и Святого Духа, ныне и в бесконечные веки. Аминь.