б) Троицкая вселенская родительская суббота

Как пред воспоминанием о Страшном Суде в Неделю мясопустную Святая Церковь обращает мысли христиан к будущей участи умерших и назначает моление о них в неделю мясопустную, так после воспоминания об искуплении всех людей Святая Церковь воспоминает об умерших и назначает особый день для молитвы за них, именно — субботу пред Пятидесятницею. В этот день совершается память всех усопших благочестивых христиан, отец и братий наших.

Начало Троицкой родительской субботы восходит также ко временам апостольским. Указание на это находим в словах святого апостола Петра, произнесенных им в день первой христианской Пятидесятницы, в которых он говорит о воскресшем Спасителе: Егоже Бог воскреси, разрешив болезни смертныя (Деян. 2, 24), и в постановлениях апостольских, где говорится, что апостолы, исполнясь Святаго Духа в день Пятидесятницы, проповедали иудеям и язычникам об Иисусе Христе, Сыне Божием, Судии живых и мертвых (книга 5, глава 19).

В день Пятидесятницы искупление мира было запечатлено освятительно -совершительною силою Животворящего Пресвятого Духа, благодатно и спасительно простирающеюся на живущих и умерших. Потому и Святая Церковь как в мясопустную субботу, представляющую как бы последний день мира, так и в Троицкую, представляющую последний день Церкви ветхозаветной пред открытием во всей силе Церкви Христовой в день Пятидесятницы, молится за всех усопших отцов и братий, а в самый день Пятидесятницы возносит за них следующую молитву к Господу:

«Приснотекущий, животный (животворный), просветительный Источниче, соприсносущная Отцу содетельная Сила, все смотрение за спасение человеческое прекрасне исполнивый, Христе Боже наш, смерти узы неразрешимыя и заклепы адовы расторгнувый, лукавых же духов множество поправый, приведый Себе о нас непорочное заколение и Тело давый Пречистое в жертву, всякаго греха неприкосновенное же и непроходное и страшным сим. и неисповедимым священнодействием живот нам вечный даровавый, во ад сшедый и вереи вечныя сокрушивый, и во тьме седящим восход показавый, началозлобнаго же и глубиннаго (в глубине крыющагося) змия богомудростным льщением уловивый и веригами мрака связавый в тартаре и огни негасимом, и во тьме кромешней неисчетно сильною Твоею затвердивый крепостию, Великоименитая Премудросте Отчая, напаствуемым великий Помощник явивыйся и просветивый седящия во тьме и сени смертней, Ты, славы присносущныя Господи и Отца вышняго Сыне возлюбленный, присносущный Свете от присносущнаго Света, Солнце правды! Услыши нас, молящихся Тебе, и упокой души рабов Твоих, прежде усопших отец и братий наших, и прочиих сродников по плоти, и всех своих в вере, онихже и память творим ныне, яко в Тебе всех держава и в руце Твоей содержиши вся концы земли. Владыко Вседержителю, Боже отец и Господи милости, рода смертнаго же и безсмертнаго и всякаго естества человеческаго Содетелю, составляемаго же и паки разрешаемаго, живота же и скончания, еже зде пребывания и еже тамо преложения, лета измеряяй живым и времена уставляяй смерти, низводяй во ад и возводяй, связуяй в немощи и отпущаяй в силе, настоящая потребне строяй и будущая полезно управляяй, смертным жалом уязвенных воскресения надеждами веселяяй! Сам убо, Владыко всех, Боже Спасителю наш, Надежде всех концев земли и сущих в мори далече, иже в сей последний и великий спасительный день Пятидесятницы праздника тайну Святыя и Единосущныя, и соприсносущныя, и нераздельныя, и неслиянныя Троицы показавый нам, и наитие и пришествие Святаго и Животворящего Твоего Духа, в виде огненных языков, на святыя Твоя Апостолы излиявый и благовестники тех поставивый благочестивыя нашея веры и исповедники и проповедники истиннаго богословия показавый. Иже и в сей всесовершенный и спасительный праздник очищения убо молитвенная о иже во аде держимых сподобивый приимати, великия же подаваяй нам надежды ослабления от обдержащих скверн и утешению Тобою ниспослатися обдержимым ими: услыши нас смиренных и Твоих раб молящихся Ти и упокой души рабов Твоих прежде усопших на месте светле, на месте злачне, на месте прохлаждения, отонудуже отбеже всякая болезнь, печаль и воздыхание, и учини духи их в селениях праведных, и мира и ослабления сподоби их, яко не мертвии восхвалят Тя, Господи, ниже сущии во аде исповедание дерзнут принести Тебе, но мы живии благословим Тя и молим и очистительныя молитвы и жертвы приносим Тебе о душах их».

«Боже великий и вечный, Святый, Человеколюбивый, сподобивый нас в сей час стати пред неприступною Твоею славою на пение и хвалу чудес Твоих! Очисти ны недостойныя рабы Твоя и подаждь благодать, еже сокрушенным сердцем невозносительно приносити Тебе Трисвятое славословие и благодарение о великих Твоих дарех, яже сотворил еси к нам и твориши всегда в нас. Помяни, Господи, немощь нашу, и да не погубиши нас со беззаконии нашими, но сотвори великую милость со смирением нашим, да, греховныя тьмы избежавше, во дни правды ходити будем, и одеявшеся оружием света, ненаветно пребудем от всякия козни лукаваго и со дерзновением прославим о всех Тебе, единаго истиннаго и человеколюбца Бога. Твое бо есть истинное и великое воистину таинство, Владыко всех и Творче, временное решение Твоих тварей и еже по сих совокупление и упокоение во веки. Тебе благодарение о всех исповедуем, о входех наших яже в мир сей, исходех, иже надежды воскресения и жизни нетленныя по Твоему неложному обещанию предобручают (предначинают) нам, яже и приимем в будущем Втором Пришествии Твоем: Ты бо еси воскресения нашего Начальник, и поживших неумытный и человеколюбивый Судия, мздовоздаяния Владыка и Господь, Иже и приобщивыйся нам преискренно плоти и крове снисхождения ради крайняго, и за милосердие щедрот приемый наша страсти кроме греха, да волею испытавши я, и в немже пострадал еси Сам искусився, искушаемым нам быв самообещанный Помощник, темже и совозвел еси нас в Твое безстрастие.

Приими убо, Владыко, мольбы и моления наша, и упокой вся отцы коегождо и матери, и чада, и братию, и сестры, единородныя и сродныя, и вся прежде почившия души в надежде воскресения жизни вечныя, учини духи их и имена в книзе животней, в недрех Авраама, Исаака и Иакова, в стране живых, в Царствии Небеснем, в раи сладости, светлыми Ангелы Твоими вводя вся во святыя Твоя обители, совоздвизаяй и телеса наша в день, в оньже определил еси по святым Твоим и неложным обетованиям. Несть убо, Господи, рабом Твоим смерть исходящим нам от тела и к Тебе, Богу нашему, приходящим, но преставление от печальнейших на полезнейшая и сладостнейшая и на упокоение и радость. Аще же и что согрешихом к Тебе, милостив буди нам же и тем, зане не един есть чист пред Тобою от скверн, ниже аще един живота его есть, разве Ты точию един на земли явивыйся безгрешный Господь наш Иисус Христос. Имже вси уповаем милость получити и оставление грехов. Сего ради нам же и онем, яко Благ и Человеколюбец Бог, ослаби, остави, прости грехопадения наша, вольная и невольная, яже в ведении и не в ведении, предъявленная и забываемая, яже в деянии, яже в помышлении, яже в словеси, яже во всех наших житиях и движениях. И отшедшим убо свободу и ослабу даруй, нас же сущих зде благослови, конец благий и мирный даруя нам же и всем людем Твоим, и милости и человеколюбия утробу отверзаяй нам на Страшном и ужасном Твоем Пришествии, и Царствия Твоего достойных нас сотвори»325.

Субботы мясопустная и Троицкая по преимуществу называются вселенскими.